የአገልግሎት አሰጣጡ በጊዜ ሂደት በርካታ መሻሻል ማሳየት መጀመሩን ተገልጋዮች ተናገሩ።
በቂርቆስ ክፍለ ከተማ በሚገኙ የተለያዩ አገልግሎት ሰጪ ተቋማት ላይ የክፍለ ከተማው ኮሙዩኒኬሽን ጽህፈት ቤት የዜና ክፍል ምልከታ አድርጓል።
*****
ነሐሴ 15 ቀን 2018 ዓ.ም
በቂርቆስ ክፍለ ከተማ በሚገኙ የተለያዩ አገልግሎት ሰጪ ጽህፈት ቤቶች በኮሙዩኒኬሽን ጽህፈት ቤት በተደረገው ምልከታ፣ አገልግሎት በብዛት በሚሰጥባቸው ተቋማት ውስጥ ስራዎች ያለምንም ችግር እየተሰጡ መሆኑን መመልከት ተችሏል።
ተገልጋዮች ለቂርቆስ ክፍለ ከተማ ኮሙዩኒኬሽን ጽህፈት ቤት የዜና ክፍል እንዳገለጹት፤ ባለው የተቀላጠፈ አሰራርና ፍትሃዊ አገልግሎት ምክንያት ፈጣንና ውጤታማ ምላሽና መስተንግዶ ማግኘታቸውን ገልጸዋል።
በቤቶች ጽህፈት ቤት የአከራይ ተከራይ ውል ሲፈጽሙ ያገኘናቸው ተገልጋዮች፣ አገልግሎቱ በአንድ ቦታ መሰጠቱ ለቀልጣፋነቱ የራሱን ሚና እንዳበረከተ ተናግረዋል። መንግስት ባወጣው ህግና አዋጅ መሰረትም አገልግሎቱን እያገኙ መሆናቸውን ገልጸዋል። ተገልጋዮች አክለውም ተቋማቱ በዘረጉት የወረፋ ስርዓት መሰረት ስማቸው ተመዝግቦ፣ በተራቸው እየተጠሩ በጥሩ ሙያዊ ስነ-ምግባር አገልግሎት እያገኙ መሆኑን ተናግረዋል።
አገልግሎቶች ያለምንም መሰናክልና መጓተት እየተሰጡ መሆናቸውን የዜና ክፍሉ ባደረገው ምልከታ አረጋግጧል። ተገልጋዮች አክለው እንደገለጹት፤ አገልግሎት አሰጣጡ ከውጭ ከሚነገረው ወሬ በተቃራኒው በተግባር ሲታይ የተዘረጋው አሰራርና አገልግሎት የሚሰጥበት መንገድ መልካም ነው ሲሉም ሲገለገሉ ያገኘናቸው ባለጉዳዮች ነግረውናል።
የዜና ክፍሉ ባደረገው ምልከታ ያሰራር ማስጠበቂያ ፎርም የአገልግሎት ሰጪ ተቋማቱ ባለሙያዎችም ለአገልግሎቱ በተሰጠው ጊዜመጠንና ጥራት ስታንዳርድ መሰረት አገልግሎቱን እየሰጡ መሆኑን ከሰነዶች መመልከት ተችሏል።
ተገልጋዮች አሁን የተጀመረው ቀልጣፋ አሰራር፣ የጊዜ አጠቃቀምና ግልጽነት ያለው አገልግሎት በተመሳሳይ መልኩ ተጠናክሮ መቀጠል እንዳለበት አሳስበዋል። በተጨማሪም አሁን ያለው አገልግሎት ዘላቂ እንዲሆን የተዘረጉ ህጎችና መመሪያዎች እንዳይጣሱ በየደረጃው ጥብቅ ቁጥጥርና የቅርብ ክትትል ሊደረግ እንደሚገባ ተመላክቷል።
ለተጨማሪ መረጃ https://linktr.ee/kirkosmedia
