#كيف_عملت 🌸
#وكالة
#وكالة_ادارة_أعمال
مشاركة من زميلة يجزيها الخير✨
حابة شارك كيف طلعت وكالة أدارة اعمال
مبدئيا قبل السفر كانو يطلعو وكالة عامة حتى حدا من الاهل او الرفقات يزبط كلشي للشخص المسافر
حاليا الوكالة العامة بدها لامانع من المالية مشان تصير شاملة البيع والشراء
اللامانع ممكن يطول
فعملت شي اسمو وكالة أدارة اعمال بتشمل كلشي كلشي عدا البيع والشراء
الخطوات بسيطة وما بتاخد وقت
منروح عالقصر العدلي او المحكمة اللي بالمنطقة تبعنا
من المكتبة اللي بتكون جنب المحكمة منصور هوية الموكل واللي رح نعملو توكيل
وهنن بيطبعو ورقة الوكالة
(يفضل تذكرولن شو اختصاصكن يعني انا مثلا طب بشري كتبولي بالوكالة كل الامور اللي بتخص البورد والنقابة والبورد العربي والبورد السوري ومديرية الصحة وما الى هنالك )
تكلفتهن ٣٠ الف
مناخدهن منفوت منحط طوابع جوا المحكمة
تكلفتهن ٦٠ الف
بعد الطوابع بيوقعها كاتب العدل بكونو ٤ نسخ
ومنبصم ومنوقع عكل نسخة
وبياخد هو نسختين وبضل معنا ٢
بعدها منوقعها بالنيابة
وخالصين صارت جاهزة
