علي اول مره هاي
راح بس ما ضنه جاي
ما گلت زينب وراي
علي بوية ياعلي
،،،،،،
علي سوح الوغى كلها
علي وبس علي يندلها
علي بس چفه يعدلها
على چان محمد يستشيرة
على الله علي بكلهن وزيرة
علي و ماكو بشر مثله
إذا هو الحسن شبله
علي المحراب و القبله
علي الحق و العدل
علي قول و فعل
علي هسه وقبل
علي ليبغضك اتذله
علي جان بكل زمان
هوه للفقرة أمان
قبل كانَه و المكان
علي بوية يا علي
،،،،،،،،،،
من جان الحجي يعور
طلع طه النبي يدور
لگه بس حيدرة يشور
بالوجوه يدور ضل عضيدة
يتانيه علي يرفعله. ايده
رفع ايده علي وگله
ذب حملك علي كله
الك كل شارب انذله
علي وقت الحرب
يگلبها گلب
علي الرقم الصعب
علي العنگود و السله
علي رحمة وسيفة نار
علي من يأخذ قرار
تحت امره كلها صار
علي بوية ياعلي
،،،،،،،،،،،
على و افضاله ما تنعد
ولا الهن نهايه حد
علي التوحيد و الاوحد
يهل ناس علي رب المراجل
و الفقار. يلوگ بجف مقاتل
علي لو ما علي و صبرة
دين الله انطمس ذكره
وما ضل كفو للزهرة
علي هو علن
للزهرة و طن
وجابلها الحسن
واجه لحسين من ظهرة
علي يا عالي المقام
علي ليلة ما ينام
علي مبعوث السلام
علي بوية يا علي
،،،،،،،،،،،،،،
علي الما كاشف اللثامه
على الما دنگ إلهامه
تطيح شلون العمامه
علي بهاي كره دين السياسة
يگولون علي طبروله راسه
علي اتلگه القتل ملگه
اينومس عل بشر حگه
علي المشكله بالفرگه
علي يسوه القهر
علي راسه نطير
صايم لو فطر
وضلت با لگلب حرگه
علوي و دمه حار
منين مادار الله دار
جار للما عنده جار
علي بوية يا علي
،،،،،،،،،،،
علي ما ينلضم جرحة
ولون الدم صبغ صبحة
وصل للتربة و السبحة
علي صار جرح راسه يلچمه
ولصيام خسر ها لليله نعمة
علي ذات النبي ذاته
والله يحب مناجاته
علي ماكو فرض فاته
علي بكلهن ترى
هنا و الاخرى
يوكف حيدرة
تمشي بس قراراته
علي لكل مؤمن امير
الكون هذا شكد جبير
خاتم بصبعة الزغير
علي بوية ياعلي
،،،،،،،،،
كريم الدراجي