*"വെളിച്ചപ്പാട്/കോമരം"*
====================
വെളിച്ചപ്പാട് എന്നാൽ 'വെളിച്ചപ്പെട്ടവൻ' എന്നാണർത്ഥം.. ഉപാസിക്കുന്ന ദേവതയുമായി ഐക്യം പ്രാപിച്ചവൻ.. കാവുകളിലാണ് വെളിച്ചപ്പാടന്മാർ ഉണ്ടായിരുന്നത് എന്നത് പ്രത്യേകം ശ്രദ്ധിക്കണം.. അതായത് കാവുകളിൽ വാഴുന്നത് കാളിയാണ്. കാളി എന്നാൽ യോഗശാസ്ത്രമനുസരിച്ച് മൂലാധാരസ്ഥിതയായ കുണ്ഡലിനി എന്നാണർത്ഥം.. (യോഗം ശാസ്ത്രരൂപേണ പ്രയോഗികതലത്തിൽ രൂപപ്പെടുന്നതിന് മുൻപേതന്നെ കാളിയെ മാതൃദേവതയായി ആരാധിച്ചിരുന്നു) കുണ്ഡലിനി മൂന്നര ചുറ്റായി സർപ്പിളാകൃതിയിൽ, ചലിക്കുന്ന ശക്തിയാണെന്ന് പരമാത്മാപ്രാപ്തി നേടിയ ശ്രീ നാരായണഗുരുദേവനടക്കം പല പുണ്യാത്മാക്കളും പറഞ്ഞും എഴുതിയും വച്ചിരിക്കുന്നു.. (ആടുപാമ്പേ പുനം തേടുപാമ്പേ.....! -കുണ്ഡലിനിപ്പാട്ട്) ആ ശക്തി ഉണർന്നവരിലെല്ലാം ശക്തമായ 'വൈബ്രേഷൻസ് ' (കമ്പനങ്ങൾ) ഉണ്ടായിരിക്കും.. ആ 'വൈബ്രേഷൻസ് ' ഊർദ്ധ്വാവസ്ഥയിൽ എത്തുമ്പോഴാണ്, 'തുള്ളൽ' ഉണ്ടാകുന്നത്..! അതായത് ആ സമയത്ത് ഉപാസകന്റെ അഥവാ വെളിച്ചപ്പെട്ടവന്റെ 'self ' അല്ല, മറിച്ച് ശക്തിയാണവിടെ പ്രവർത്തിക്കുന്നത്.. നാഗം തുള്ളൽക്കാരിലും, നാഗത്തിന്റെ ചൈതന്യവുമായി സ്വാരൂപ്യം പ്രാപിച്ചവർക്കുണ്ടാകുന്നതും ഇതുതന്നെയാണ്. നാഗപ്രതിഷ്ടയുള്ള ഒരു തറവാട്ടിലെ എല്ലാവരും ഒരുപോലെ 'തുള്ളാത്തതും' അതുകൊണ്ടാണ്. ചൈതന്യവുമായി സ്വാരൂപ്യം ഉണ്ടായവരിൽ മാത്രമേ അനുഭവമുണ്ടാവൂ.. വെളിച്ചപ്പാടന്മാരിൽ മാത്രമല്ല, ശ്രീരാമകൃഷ്ണപരമഹംസരിലും ബംഗാളിലെ ശ്രീആനന്ദമയീമായിലും ശ്രീചൈതന്യമഹാപ്രഭുവിലും എല്ലാമെല്ലാം ഈ 'തുള്ളൽ' ഉണ്ടായിരുന്നതായി കാണാം..!
കന്യാകുമാരി മുതൽ കശ്മീരം വരെ (കുറച്ച് ദശകങ്ങൾക്കു മുന്നേ അതിനുമപ്പുറം!) മുക്കിലും മൂലയിലും സർവ്വത്ര ആരാധിക്കപ്പെടുന്ന ദിവ്യതത്വമാണ് നാഗവും ദേവതാസ്വരൂപങ്ങളും.. ശൈവനും വൈഷ്ണവനും ശാക്തനും ജൈനനും ബൗദ്ധരും നിരാകരിക്കാത്ത സത്യം.! ജീവിതം കൊണ്ട് ദേവതാസ്വാരൂപ്യം നേടിയ ഒരു ജനത ജീവിച്ചിരുന്ന നാടാണിത്.."
'നീലനാഗജടാജൂടാം ശ്വേതാഹികൃതകുണ്ഡലാം
പീതാഹികങ്കണോപേതാം ധൂമ്രാഹിബാഹുഭൂഷണാം
ശ്യാമനാഗോപവീതാം ച ശുഭ്രാഹിഹാരഭൂഷണാം
ശ്വേതനാഗലസത്കാഞ്ചീം പാടലാഹിപദദ്വയാം..
(നീലനാഗങ്ങളെ ജടയിൽ അണിഞ്ഞും വെളുത്ത നാഗങ്ങളെ കുണ്ഡലങ്ങളാക്കിയും മഞ്ഞനിറമാർന്നവയെ കൈവളകളാക്കിയും ചാരനിറമാർന്നവയെ മറ്റലങ്കാരങ്ങളാക്കിയും കറുത്ത നാഗത്തെ യജ്ഞോപവീതം ആക്കിയും (പൂണൂൽ) വെളുത്തവയെ ഹാരങ്ങളാക്കിയും ശ്വേതനിറമാർന്നവയെ പാദാലങ്കാരങ്ങളാക്കിയും കുങ്കുമ വർണ്ണമാർന്ന പാദദ്വയങ്ങളോടുകൂടിയവളുമായ ഭഗവതിയെ പ്രാർത്ഥിക്കുന്നു.
ജ്യോതിഷത്തിൽ ഏഴാം ഭാവം കൊണ്ട് വെളിച്ചപ്പാടിനെ ചിന്തിക്കണം..
December 16, 2024 1.6K 3
