ويــــن اعـزازك راحــو ويـــن ياگلبي
موت احسلك مات حسيــــن ياگلبي
عايش المن وحــــدك عايش
مامش ناس اترحمك مامش
زيــن وعايش منـــــك زيــــن ياگلبي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اتمنــه تسكت ماتدگ ياگلبي هيـچ احـلالك
مادام التحبهم مشــو محــــد يگلبي بحالك
مادام الحسين انذبح وذباحه يمشي اگبالك
أيس يگلبــي ولاتضــــل تتنطــر اليـبــرالك
راحـو كلهم عنــك راحــو
مـات حسين اوكلهم ماتو
منين تجيب اخـوان منين ياگلبي
وين اعزازك راحـــو ويــن ياگلبي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ياگلبي اليضيعله اهــل يدورمـن ويلگاهـــم
ياگلبي شو ياهو اليجي يقنعني حتئ انساهم
المااشتهي اشتــم الهـوه لـــو مااشمـه وياهــم
گطعو فرد گطعـه ومشو ويــن الوكــت وداهم
الترسو عيني وترسو گلبي
صورهم ضلت علـه بدربي
غالـي وراحـــولك غاليـــن ياگلبي
ويـن اعزازك راحــــو ويـن ياگلبي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بمتونـي لو بيـــك التهي لو التهي بهاي الخيــل
الله يعينـــك ياگلــــب تتعــب نهار الله واليــل
يـراد حيـــل العلتــك ومنيــن اجيبـلك حيـــل
نعمه وبعد بيه نفس گـــد ماشفت بالطف ويل
كل الراحــو هـــــــدو حيلي
ماضــل واحــــــد ويتچيلي
هـواي الراحـو ترس العيــن ياگلبي
ويـــن اعزازك راحــو ويــن ياگلبي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تايه يگلبي وماكــو اهــل تنشـــد عليـك شلونـك
اشگد صحت وشگد ردت بس جيب اليسمعونك
مأيـس يگلبي بهـل وكــــت ماتلگــه اليشبهونــك
دور اليحبــونــك گضــه ضــــل دور اليكرهونــك
حگك تتعب حگـك توگـف
دور اخوانك بالطف خلص
كافــي تحشـــم بالميتيــن ياگلبي
ويـن اعزازك راحـــو ويـن ياگلبي
،،،،،،،،،،،،،،،،،،،،،،،،،،،،،،،،،،،،،،،.،،،،،،،،،،،،،،،،،،،،،،،،،
هيــــــــه العزاز شـما بطـــت يبطي النفس وياها
وگبــــــل العذيبي مـــن اختنــگ ريحتهم اترياها
كـــــــــل ماتجـي اضعــون وزلـم اتهطـر الملگها
مـــــــن اهلي ياگلبي وعلي الناس التجي اتمناها
حگي اتمنه وحگي اتأمل
بلكت واحــد منهم يعدل
واحــد يكفي هواي ثنين ياگلبي
ويــن اعزازك راحو ويـن ياگلبي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ثگيل، ،، 🖊️ مصطفئ الصالحي
