السلام عليكم
حاب اشارك معكم سفرتي للاردن خلال الاسبوع الماضي ..
( فنادق )
اليوم الأول والثاني :
أقامه في فندق ( عمان بارادايس 4 نجوم ) سعره ممتاز شامل الافطار فطورهم جميل بسعر 280 ريال عبر البوكينق ومددت ثاني يوم 250 ريال ومن خلال الفندق وقت الوصول اقل لاكن مع الزحمه ما تحصل تقييمي له 8 من 10
اليوم الثالث عجلون :
الإقامة في ( اكواخ نور السياحي ) كوخ من غرفه ودورة مياه ، يوم بسعر 250 ريال شامل الافطار فطور ريفي خفيف بس لو كان متنوع واكثر كميه كان افضل فيه مسبح و منطقة ألعاب للاطفال قديمه ومطعم لاكن ما جربته تقييمي صراحة له 10/9,50 واللي حببن وزاد تقييمه اخلاق العاملين واخص بالذكر الشاب ( منذر ) والبقيه كلهم ماشاء الله اخلاق وودوين جداً والمكان جداً آمن وكاميرات والله اني حبيتهم ، من اخلاقهم تجربه تنعاد عندهم وبقوه شهاده لله كأنك تعرفهم لك سنين ويخدمونك بعيونهم الله يرزقهم
اليوم الرابع : شقق التلال بوصفي التل
يوم بدون افطار 225 ريال شقه من غرفه وصاله وبلكونه ، صراحة الشقه واسعه وشرحه بالحيل وكل الخدمات حواليك تقييمي له 10/9 ملاحظتي عليه الفرن الكهربائي لازم معك استيل كامل من شان يقبل يشتغل العاملين جيدين نوعاً ما ومافيه زحمه
مطاعم عمان :
1 / جربة ( منسف شربها ) تقييمي له 1000/10 فوق التقييمي صراحة شي ناهي وفريد جداً ، وسعره جداً مناسب وخدمه فوق المحترمه وضيافة شاهي وجداً ودودين وهادي المطعم 👍
2/ زهور الشفاء تلاع العلي : مطعم مزدحم جداً جداً ومزعج جداً جربته مرتين المره الاولى غيرت الطاوله قبل الجلوس جلسو ربع ساعه يالله طلبت بسبب تغيير الطاوله ! الخدمه لك عليها ويالله يردون عليك واذا طلبت وغيرت رايك بوقتها صارت قضيه ، الماء ينزل بدون تطلب تتفاجىء انه ينزل بالفاتوره تقييمي للخدمه 10/5وتقييمي للأكل 10/8,50 اتوقع فيه مطاعم افضل واقل زحمه ..
3/ داريا : بعجلون للي رايح عجلون صراحة الكبسات و السلطات ممتازه جداً الكبه سيئه ، خيار مفضل تقييمي له 10/9 واسعاره جداً مناسبه ✋
طواحين الهوا : مطعم هادىء له جوه والطلبات ، المنسف صراحة جداً عادي واقل من عادي باقي الطلبات جيده ، الحلو فيهم يقدمون لك حلى بعد الوجبه اللي لازم تذكرهم فيها ، خدمتهم جيده وسعره مقبول مع ان فيه ضريبه لاكن مقبول لو ان جودة الاكل افضل تقييمي له 10/7
محلات الحلى |
حبيبة ونفيسه لا تعداهم 👍
