ሌሊቱን ሙሉ ነቅተህ እያደርክ፣ የሌሊት ሶላትን (ቂያሙል ለይልን) ከመስገድ ተነፍገሃል፤ በቂ ትርፍ ጊዜ እያለህ፣ ቁርኣን ማንበብ ተከልክለሃል፤ አንደበትህ ገርና ተናጋሪ ሆኖ ሳለ፣ አላህን ማውሳት (ዚክር ማድረግ) ተስኖሃል፤ ዱዓእ ማድረግን ረስተሃል፤ ተነፍገሃል፤ ነፍስህም ወደ አላህ እጅዋን መዘርጋት ከብዷታል፤ በሶላትህ ውስጥ እርጋታን (ኹሹዕን) አጥተሃል፤ ብቻህን በሆንክ ጊዜ በሰራኸው ወንጀል ማልቀስና መጸጸት ተነፍገሃል።አንተ መ ስኪን! እጅግ ቀላል ከሆኑ ዒባዳዎች እንኳን ተነፍገህ ሳለ፣ አሁንም የተቀጣህ አይመስልህም
ታዲያ ልብህ ወደ ቀጥተኛው መንገድ የሚመለስበት ጊዜ አልደረሰምን? «በታዘዝከውም መሠረት ቀጥ በል!»
ይህ የወንድማችን መልእክት አላህ ጸጋውን ሰጥቶን ሳለ በወንጀላችን ምክንያት ከዒባዳ ስንዘናጋ፣ ዝም ብሎ በዱንያ መደሰት ብቻውን ቅጣት አለመኖሩን እንደማያሳይ የሚያስታውስ ድንቅ ምክር ነው።አላህ ይሁነን‼
||
t.me/MuradTadesse
