السلام عليكم
يمكن البعض يشوف البوست الي فوك ، تشائم ، سلبيه ، بس جانت بوقت صعب و ضغط و ظروف صعبه ،
تعلمت هواي وطورت من روحي هواي ، صح انهيارات و تعب و اكتئاب ، بس مقبلت اطلع منها الا واني فاهم ولو 1% من نفسي .
ليش وشنو الي خلاني ادخل هيج ضروف ، اكتئاب و سلبيه ، ماعرف صراحتاً ،
المشكله ان انتَ تكمل حياتك و يومك وتصلي وتضحك وتشاقه وتعيش المشاعر بحقيقتها وكذا ، بس بداخلك اكو شي يكلك "ليش تكمل" ؟
تالي اكتشفت هذا الشي يجيك عشوائيه بفترا معينه من حياتك ، مو بسبب حدث معين او مشكله معينه .
وسئلت كم شخص بالغ عن هل موضوع، الجواب كان "كلنا مرينا بهذه الفتره ، وهذه الفترا راح تغير شخصيتك كامله وحياتك ايضاً" ،
وصحيح لمست هذا الشي بـ أن شخصيتي صارت اهدىء من قبل ، وصرت ماشيل هم للحياه اكثر والمستقبل ، ونظرتي جذرياً اختلفت للحياه .
الي اريده اوصله بهذا البوست ، اعتقد كلنا راح نمر بهده الفترة ع الاقل مرتين او مره وحده بحياتنا ، راح تكون فترا قاتله الك من كل النواحي ،
بس راح تتغير كلش للاحسن وهواي تفاصيل بحياتك ونظرتك للحياه تتغير .
بس لا تطلع منها خسران وقتك وطاقتك ، اطلع منها بشي ايجابي ، وهلشي هو فهم نفسك وشلون د تفكر قبل وبعد الفترة،
وصدكني راح تلف وتدور ومحد يفهمك ويعرف شبيك ، بس واحد يفهمك ، الله سبحانه وتعالى ، الجواب لكامل فترا كأبتك هوَ عند ربك 🤍.
واتذكر دائماً ،
﴿قُلِ اللَّهُ يُنَجِّيكُمْ مِنْهَا وَمِنْ كُلِّ كَرْبٍ﴾
وسلامتكم 🤍.
