Azərbaycanlı reper Navai (Navai Bəkirov) Moskvada “Ferrari” ilə baş verən qəza nəticəsində zədələnən işıqfora görə təzminat ödəyib.“SHOT”un məlumatına görə, Navai Moskva Yol Hərəkətinin İdarə Edilməsi Mərkəzinə 91 200 rubl, əlavə olaraq isə 4 000 rubl dövlət rüsumu ödəyib. Ödəniş qurumun sənətçiyə qarşı məhkəmə iddiası qaldırmasından iki ay sonra həyata keçirilib.
Xatırladaq ki, mayın 5-də Navai Moskvada Zubovski bulvarında nömrə nişanı olmayan qara “Ferrari” ilə qəzaya düşüb. İdman avtomobili yoldan çıxaraq işıqfora çırpılıb.
Navai hadisə zamanı saatda 60-65 kilometr sürətlə hərəkət etdiyini bildirib və qəzanı avtomobilin idman təkərləri ilə əlaqələndirib.
@insanoidcom
