MİDA adı ilə dələduzluğa görə saxlanılan xanımlardan biri tanınmış həkimdir
MİDA-nın “Güzəştli mənzil” sistemi ilə bağlı dələduzluğa görə saxlanılan 33 yaşlı Günay Lətifovanın tanınmış həkim, o cümlədən estetik həkim olduğu məlum olub.
Araşdırmaya görə, Günay Lətifova və 43 yaşlı Şükufə Mirzəyeva süni intellekt proqramlarından istifadə edərək MİDA-nın adından saxta alqı-satqı və ipoteka müqavilələri hazırlayıblar.
Onlar vətəndaşlara güzəştli mənzilləri növbədənkənar əldə etməyə kömək edəcəklərini vəd edərək saxta sənədləri 1000-9000 manat qarşılığında təqdim ediblər.
Şükufə Mirzəyevanın evindən MİDA-nın adından hazırlanmış 472 saxta müqavilə aşkarlanıb.
Hər iki şəxs təqsirləndirilən şəxs qismində istintaqa cəlb olunub və barələrində həbs qətimkan tədbiri seçilib.
DİN və MİDA vətəndaşlara xəbərdarlıq edib ki, güzəştli mənzillərlə bağlı yalnız rəsmi elektron xidmətlərdən istifadə etsinlər və “növbədənkənar mənzil” vədlərinə inanmasınlar.@insanoidcom
