مهضومه دفنو فاطمه مهضومه
""""""""""""""""""""""""""
هديتي حيلـي وكربلــه اتانينـي
وانه الحسبتـچ بطـف اتعينينـي
باچـر عطاشـه والرمـح يروينـي
يمـه الحنينه اميـه ما ينطينـــي
كونـچ نويتـي اعلل هجـر وفراگــه
ياهـو اليرچـب زينـب اعلـه الناگــه
»»»»»»»»»»»»»»»»»»»»»»»»»»»»»»»
ويانه ردنه المحسن يطحيونـــه
باچر تضيع الفزعه واهل العونـه
بالهيمـه تركـض زينـب المامونـه
هسه ابني يرضع المن ايذبحونه
ياهو اليصبرني وينشف ادموعــي
ياهو اليشيل الحافر امن اضلوعي
»»»»»»»»»»»»»»»»»»»»»»»»»»»»»»»
باچر صحـاري والحــرم حفيانـه
معقولـه يمـــه ما تجيــن ويانــه
ياهو اليعـــاون زينــب التعبانــه
وياهو اليلـم اطفالنـه العطشانـه
خيــل وزلـم يتواحشـون ايتامــي
باچــر يضلــن داويـــات اخيامــي
»»»»»»»»»»»»»»»»»»»»»»»»»»»»»»»
سوك الشماته يناطرون الشوفـه
ريتچ تسمعين اشتصيح الكوفه
فــوگ الهزيلـه زينب المچتوفـه
باچــر تـدگ اطبولهــم ودفوفـه
باجــر بناتـــچ للغــــرب يحدوهــن
واميــه يـ ام الحســـن مايطوهــن
»»»»»»»»»»»»»»»»»»»»»»»»»»»»»»»
فـات الاوان ومايفيــد اعتابــي
لاطال عمـري فاركيـت احبابــي
ويــاچ كــون وهايليــن ترابـــي
منانـه لطـف مايطيــح انگابـــي
تـراب الگبـــر يايمـــه صبــح طينه
ثاري بلحدها الزهره تبچي اعلينــه
.
.
.
.
العبد الفاني حسين رشيد البطحاوي
4
1
16 أكتوبر 2026 1.8 ألف 26
