وحشه الدار بچفــاچ فگـدچ ضيــم خلله
الچنتي وياه اتصلين وحده اليوم صالله
طــاح وعثــر بالبـاب ما صحـت اصمالله
يمه الخاطر حسيــن گومــي ويـاي يالله
ابونه اليرهب الكون .. خمسه البيه ايگومون
»»»»»»»»»»»»»»»»»»»»»»»»»»»»»»»»»
مهـدل والعــرش ناح ينعه ولطم ضلعــه
محـدب شفـت جبريل هل اعليچ دمعــه
كلفه النايبـه اليــوم حيدر صعب وضعـه
الطلگ دنيته اعليـچ هــم طلگ الطلعــه
داخل بيته وينـــوح .. فگـدچ يســل بــروح
»»»»»»»»»»»»»»»»»»»»»»»»»»»»»»»»»
خنگه وهاشم اعليچ شمــرت خواچيهـــا
اليطرش دار ابو حسيـن يسمـع بواچيهـا
مفرعه الساده وتنوح غيم الحزن غاطيها
راحت زهــرة الديـــن والبسمـــار واليهــا
شيخ الساده منكوب .. شايط وكت الاغروب
»»»»»»»»»»»»»»»»»»»»»»»»»»»»»»»»»
سهري بذمة البـاب والشــوغــات تاذينـــي
ينحب عفت الحسين يمه ارجوچ حاچيني
گومي وگلي لحســين شمبچيـك يحسيني
يسچي الفلح بچفاچ حزنـي ومــاي عينـي
ابونه الينكط احساس .. شيبه تارس الراس
.
.
.
العبد الفاني حسين رشيد البطحاوي
1
116 أكتوبر 2026 1.9 ألف 12
