لليلــة اوداع الزجيــه كســـر ضهـــر الســاده
جــرح ماينشــل وخيطــه ولا يلمــه ضمــاده
علي شايـل باب خيبـر جــان يرهــب حيلــه
حـدب ونعــش الزجيـه احتـار ياهـو ايشيله
ويـن يازهـرة حياتـي انطــي وجهـي الليلــه
والفگـد كاسـري ضهري وحيــل حار اعنــاده
»»»»»»»»»»»»»»»»»»»»»»»»»»»»»»»
نـام لليــل النايبـات وقمضـت عيـن السهــــر
وحيـدر امجابلها ينعـه ضيـم وآهـات وقهــر
شيبت شريان كلبي الزهـره وكليبــي نفطـــر
طاح محسنها الهضيمـه العـــده ولا نشــــاده
»»»»»»»»»»»»»»»»»»»»»»»»»»»»»»»
يتم اولاد الرساله الجـان عـد حيــدر عبــــد
عصـرة البـاب الثجيلــه مــرد چبدتـه مــــرد
من گفه الزهره الزجيه طلع مسمـار الحقــــد
بچه الحسين اوي زينـب والحســن بزيـــاده
»»»»»»»»»»»»»»»»»»»»»»»»»»»»»»»
عل گبر طاحو ولدها وحيدر يحاجي التـرب
گله لا تگلـب وجهـه والرســوم البيهـا حــب
ياگبرها اسمعني اگلك بيك دافــن كم گلــب
اگليب ابوهـــا والنبـــوه وحيــدر ويـــولاده
»»»»»»»»»»»»»»»»»»»»»»»»»»»»»»»
عيني مافكها بصباحي هوه صبح الله اندفن
صعدن غيوم الشماته ومطرت جروح ومحن
ضلـع ريحانـة محمـد طحــن بالبـاب انطحن
لا رهملــه اضمــاد چفـــي ولا ادواي الفــاده
.
.
.
.
.
العبد الفاني حسين رشيد البطحاوي
612 سبتمبر 2026 2.7 ألف 28
