يا سعيــد امصابـك .. كسر ظهر احبابـك
كل موالي وشيعـي .. اجه اليوم البابــك
فگــدك يحــز بينه ** والزلــم ملچومــه
يا سعيـــد ابابــك ** تنحب ومهضومــه
ياهو ما يبجيــلك ** حگ علينه انلومـه
مــرد گلـب السـاده .. يالحنيـن اخضابك
»»»»»»»»»»»»»»»»»»»»»»»»»»»»»»»»
يهل دمـع السـاده ** فرگتـــك تاذيهــــم
لا دغــش لا قايـه ** بالحـگ امواليهـــم
يا سعيـد افراگـك ** مايهــون اعليهـــم
چي تحب احسينك .. جروه صار اترابك
»»»»»»»»»»»»»»»»»»»»»»»»»»»»»»»»
بالوفــه وبالغيـــره ** انته ماخــذ دورك
عفنه اهلنه وجينـه ** يا سعيـــد انزورك
انته روح احسينك ** والحسن دستورك
غيره منـك فاضـت .. مـوش دم بصوابك
»»»»»»»»»»»»»»»»»»»»»»»»»»»»»»»»
الك حـگ اعلينـــه ** يالموالــي الســاده
اســدي وبالفزعــه ** ما تهـــاب القــــاده
يا سعيــد افراگـك ** حيـل حـار اعنــاده
فده امقدم روحـك .. لجل عيـن اصحابك
»»»»»»»»»»»»»»»»»»»»»»»»»»»»»»»»
ياصحابـي المثلك ** حيــد شامـخ گـدره
تره الغيرك كاســر ** ضلـع مـــن الزهـــره
وانته وي السـاده ** محبــس ويالشــذره
مثـل دم اگلوبنـــه .. يا سعيـــد احسـابـك
.
.
.
العبد الفاني حسين رشيد البطحاوي
5
5
22 سبتمبر 2026 3 آلاف 17
