ياسعيد ابن جبيـر
انته واليت الامير
يا سعيـــد ابـــن جبيـــر اتعنتــك
جـايه الــزوار تكصـــد حضرتـــك
هـــاي زوراك لفـــت يـــم گبتـــك
انتـه واليـت الحسيـن بصحبتــك
يــادهــــــدار .. والفخــر ماضيــك
وانته الكوت .. تعتـــــز بطاريــــك
»»»»»»»»»»»»»»»»»»»»»»»»»»»»
اجت متحفيه الخـدم كلهـا هظـم
يمن تسوه النايبـه وتسـوه اللطـم
ياسعيـد امصابـك ايــدج بالعظـم
عليك كلها اليـوم مكسـوره الزلـم
مـــــو بالهــــون .. فگدك اياذينــه
وياهــو اليــــوم .. مابچتلك عينه
»»»»»»»»»»»»»»»»»»»»»»»»»»»»
اهتــزت الكــوت وبيــارغ تعتلــي
اجـــت متعنيــه تـــزور الاســـدي
هاي مو صدفـه وحـك ذاك الولـي
فــاز دنيــه واخــره الوالــه علـــي
جينــه اليــوم .. ياسعيـــد نـزورك
والخــــدام .. اجت توفـي انذورك
»»»»»»»»»»»»»»»»»»»»»»»»»»»»
موكب بصف موكـب اتعنـو مشـي
كلهــا غيــره وبالعــزم مـا تنحنــي
مايهمهـا الحـر تصيـح الحـر شنـي
صاحو اهـل الكوت حـي المعتنـي
غيــــره وزود .. والفخـر غاطينـه
واحنــه وياك .. بالوعـــد وفينـــه
»»»»»»»»»»»»»»»»»»»»»»»»»»»»
يشهد الحجـاج عــن زودك سعيـد
وابن الاشعث زامط بچفك يحيـد
سيفك اعله الحگ فلا يهوه ويبيد
انتـه حــر وماخـذت طبـع العبيــد
كــــــلك زود .. ياربـــات الشيمــه
جفــك جـان .. يطـك راس الغيمه
.
.
.
العبد الفاني حسين رشيد البطحاوي
5
4
327 أغسطس 2026 3.3 ألف 23
