البارحة واحَد من جماعتنا
طالع لقَاء أول ويا خطيبتة ولأول مرة ووحدهم
ف كل ما واحَد بينه يسأله شتنصحنا نخطب لو بعد
يگول أخطب أذا رايد فرحة مستمره بحياتك
فرحة تضل وياك طول العٌمر وتتگاثر هَم
يشرحلنا اللقاء كلساع وثبَرنا من المشاعر الي مفجَوره بگلبة ومبينه على وجهه
يگول النا لحد هسه ما سابح لأن حطت أيدها بنص أيدي وأخاف يروح عطرها
گل ما أريد أبتسم وأحس بمشاعر ما تنوصف
"أشمها لأيدي"
يجوز هيّ مو أول علاقة بحياتة
بس هيّ جانت أول أنسانة ينفجر گلبه علمودها من الحٌب الجبير هذه
جانت أول مشاعر صادقة
وعوض لگل شيء مر ويا بالصعَبات والوگعات
هيّ من الممٌكن حتكون الضحكة ألي ما راح تفاركه طول عٌمره وحيبقى ضاوي بسببَها
ف الأختيار الصح هو دائماً يكون الناتج الوحَيد عن هاي السعادة گلها
أختار اللي حيعرف قيمتك بحياته دائماً
اللي ما يعرف شلون يوصفك وبيا مشَاعر ♥️
