صاحبي.
عمبالك تناقشت مع بعض من أولاد الحومة صغار في السن طور إبتدائي ، تناقشنا على الدخول المدرسي والأجواء وكذا ، الأمر لي خلعني هو كل تركيزهم على الآوتفيت وشكون كان الشباب وشكون لي كان شويا شويا وبعض التفاصيل ..
لعزيز عندك خوك صغير ولا ولد جارك صغير ولا أي شخص ، تقدر تكون قريب ليه ، أحكمو وفهموا بلي ( نروحو نقراو، ما نروحوش نلبسو الحوايج ونزوخو على الناس، ولا نضحكو على العباد لي ماقدروش يشرو حوايج جدد ، ولانتنمرو على لي سمين ولا على لي رقيق، ولا لي عندو الحب في وجهو ، ولا لي طويل ولا لي قصير.
نروحو لطلب العلم نتعلمو ونجو للدار ، هذا ماكان ، ما كان ني تنمر ، ني يديك ني يجيبك.
في هاد الدنيا كل واحد والطبقة الاجتماعية تاعو، ما نضحكو على حتى واحد، باسكو الدنيا دوارة، اليوم راك في هاد النيفو غدوة تكون في نيفو آخر )
فهموهم خاوتي كفانا تعفن ..
وشكراً 🤍 #منقول
1
1September 21, 2026 6
