3️⃣4️⃣البارت الثالث والاربعون:
طبعا علي ونجود خطيوا للمستشفى علي خطي يوصل نجود ثاني شي على سب وهو والكل افتجع على ليلى ولما وصلوا للمستشفى ونجود دخلت تتطمن على بنتها وعلي جالس خارج وفي نفسه"للمه جيت يا علي على سب تقهر روحك بس".
نجود دخلت للغرفه الذي فيها ليلى ولؤي جنبها ومغطي وجهه بيده تطمنت عليها بالبدايه ورجعت تحاكي لؤي
نجود: خير مالك
لؤي: نفسي احظنها واقول لها اخوش عيوقف معش لكن ما قدرتش وهي قالت لي مابش شي بيننا لا تعرفني ولا اعرفها أحح اح مشي داريه انني حاولت وحاولت اني ساعدها من سب الموضوع بس ما قدرتش.
نجود: خير ان شاء الله عد نتحاكى بذيه الموضوع بعدا.
لؤي: ابي دخل يتطمن بسرعه ورجع خرج ما يدراش ان معه جهال بحاجته ولا ولااا.
نجود: اهم شي انكم في صحه وعافيه وبس، صح علي خارج هو الذي اديني لهانا.
لؤي: يمااه هذا الولد والله ما اقدر ارد جمايله لو مه اخ اخ والله ما يدرى كيف يفعاني يساعدني يحب ليان حب يا لطيف لما تجي عندهم يلاعبها يجعلها وامه والكل صدق هولاء نااس صدق ما مثلهم .
دخلت غيداء تطمن على ليلى.
غيداء: تشتي شويه راحه بس اما ورقه العلاجات حقها طرحها الدكتور في الرسبشن وقال لي اقول لكم تجو تشلوها وتشتروهن ضروري .
لؤي: تسلمي ما قصرتي.
غيداء: اول ما تفيق داعيتوا لي طيب يا دكتور لؤي
لؤي ابتسم لها وهز راسه بمعنى تمام.
وخرجت.
لؤي:هذي الدكتوره غيداء يوم كان معانا نزول ميداني للمستشفى ساعدتنا با شياء خيرات وزد حاكت لي مدير المستشفى اجي اتدرب عندهم بالمستشفى.
نجود:هاااا سابر.
لؤي:شخرج اسير ادي العلاجات وارجع اوبهي لها واذا قامت اخطي داعيها من الاستقبال وخرج وابسر علي
لؤي:حيا علي.
علي كان جالس فوق الكرسي ومطنن.
علي:ارحب كيف قدي اختك.
لؤي:مالها شي وعلى الله.
علي:الحمدلله على سلامتها.
لؤي:هيا بشر كيف الخطه بدات تقلهم.
علي: هوذا اليوم كنت شاقول لهم بس للاسف حصل الذي حصل.
لؤي: سابر.
في الغرفه ليلى فاقت ونجود كانت جنبها.
ليلى: عاطشه ادو لي ماء.
نجود خرجت وابسرت علي ولؤي.
نجود باستعجال: لؤي ادي ماء بسرعه.
لؤي افتجع هو وعلي: للمه مابه.
نجود: ليلى فاقت تشتي ماء في ساع.
لؤي خرج ورقه العلاجات لعلي: ها قوى ادي العلاجات وانا شاسير ادي ماء وخطيوا بسرعه.
بعد ما سار لؤي واشتري لاخته ماء ورجع بسرعه وكانوا بالغرفه ونجود بتشرب ليلى الماء وليلى ولا حتى قدرو تلف لوجهه اخوها رغم انهي داريه انه حاول يساعدها وسمعته يقول هكذا الا انهي ما صدقتش.
ليلى: يمااه اشتي اروح البيت.
لؤي: ما تقدريش تروحي الا لما تتباخري سوء.
ليلى: مشو عليك اتباخر ما اتباخرش مشو عليك.
لؤي تنصدم من ليلى قوي لما ترد عليه هكذا.
لؤي: هكذا يا ليلى شكرا بيض الله وجهش وشل نفسه وخرج.
نجود: عيب يا بنتي ما يسبرش تحاكي اخوش كذيه.
ليلى ساكته وفي داخلها"ليش هكذا ياليلى ليش ليش زعلتي اخوش "..
علي خطي يشتري العلاجات وجاء وابسر لؤي جالس خارج الغرفه.
علي ناول لؤي العلاجات.
لؤي اول ما قال لعلي يشتري لليلى العلاج ناوله بطاقه التامين حقها بس ما ادا له زلط لانه كان مستعجل.
اما بطاقه التامين حق ليلى فصورتها كانت وعادهي صغيره.
لؤي ذكر انه ما ادا لعلي زلط.
خرج الزلط وناوله.
علي: حق مه.
لؤي: حق العلاجات ناولتك البطاقه بدون الزلط.
علي بضبح: الله المستعان عيب عليك يا لؤي هكذا تزعلني.
لؤي: بمه ازعلك.
علي: ما احنا اصحاب واخوه وجيران خلاص مابش بيننا والله انك غثيتني ورجعها.
لؤي: حرام عليا لتشلها عيب عليك
علي: هي غير 5000 الف الذي دفعتها ماهي شي.
لؤي: عد تشلها عد تشلها.
علي: لو شليتها مابش بيننا خبر.
لؤي: علي مش لهذي الدرجه.
علي: اقول لك خليها عندك وارجع يوم وخزن لي وبس.
لؤي: علي.
علي: لؤي قوا مابش بيننا.
ليلى في الغرفه.
ليلى: اشتي اروح.
نجود: يا بنتي صلي على رسول الله ما تروحي تفعلي وانتي بهذي الحاله قري للزقعه اقل شي اجلسي الليله بالمستشفى وغدوه روحتي.
ليلى: يماه متضايقه مشتيش مشتيش.
دخل لؤي وهو والعلاجات.
نجود: يبني اختك تشتي تروح جننتني.
لؤي بضبح : مابش رواحه اليوم على الاقل اليوم بالمستشفى تجلس.
ليلى: شاروح.
لؤي: مشو على ما تشتي هو لاجل صحتش.
ليلى بقلبه وجهه: ليش خايف عليا مثلا.
لؤي ابسر المغذيه حق ليلى قد تمت فكها وبيركب الثانيه.
ليلى: فك لي داعي الممرضه تجي.
لؤي هذك الساع كان غارق وضابح سحب يدها وركب لها.
ليلى: يدي اااي ايي اوجعتني مالك.
لؤي سااكت وبيسبر لها.
نجود هذك الساع خرجت الحمام
وليلى متضايقه من لؤي حين وجعها.
بعد ما تم لؤي قال:لما تتم حاكوني.
ليلى:تسلم شداعي الممرضه تجي مابش داعي تتعب روحك سير اتعب روحك بشي ثاني نااهي
لؤي بضبح: هكذا تقولي اهااا تمام يا ليلى لكن لا تستغربي وتقواي تغير عليا وقسي عليا ناهي.
وشل نفسه وخرج ورزع الباب
December 22, 2021 5.8K 7
