5️⃣4️⃣البارت الخامس والاربعون:
لؤي خرج عند علي وخطيوو للسياره
علي: ما حصل جينا والاصوات ملان الممر.
لؤي: هذي ليلى المشولحه بس بردت قلبي تكلمت على خليل لوما شبعت.
علي: ليش يديه ابوك عد تتعب.
لؤي: تعبت اول ما ابسرته وصيحت لو تبسر كودا هدئت انقطع انفاسها.
علي: يووه المهم كيف قدهي الله يشفيها.
لؤي: مالها شي.
علي: الله يعينكم ويخارجكم من تيه المشكله.
لؤي: يارب تعبنا احنا وخليل.
علي: اهم شي ركز على دراستك وبس واختباراتك وابشر انا ما خرجت الموضوع ما اكون اسمي علي..
لؤي: الله يحفظك ما تقصر والله ليت كل الاصحاب مثلك صدق.
عند ليلى.
ليلى بتحاول تتنفس لانها صاحت وتعبت.
ليان مفتجعه على اختها وجلست تبكي بس بهدوء محد سمعها.
ونوال ونجود بيهدين ليلى وليلى بتسعل او تتكح لما معد تقدرش تتنفس بعد ما هدئت ليلى نوال التفتت تبسر وان ليان بتبكي.
نوال: ليوونه حبيبتي مالش ياقلبي بتبكي.
ليان: خايفه على ليلى.
ليلى وهي ممتده: يا روحي انتي جي جي احبش يا قلبي.
ليان حملت لعند ليلى: كيف قدش ومتى تتباخري.
ليلى: الحمدلله هو ذا انا بخيره جبرش.
ليان: ماشي عادش تاعبه وفي يدش المغذيه.
ليلى: ههههههه شويه بس تاعبه شفتهن ذاحينه.
ليان حظنت اختها.
نوال: جبركن صدق صلاتي على النبي.
وجلست نوال هي ونجود يتجابرين وليان جلست تحكي لاختها على علي وامس لما اشترى جعاله وووو.
وليلى بتضحك.
الساعه 6 اذن مغرب.
ولؤي وعلي بيتجابروا بالسياره.
علي اتصل لامه وقال لها يلا يروحوا.
نوال: يلا امانه تحتاجوا شي ولا شي اتصلتوا.
نجود: تسلمي.
نوال: يلا حبيبتي ليان نروح.
ليان: ليش معد تروحش ليلى اليوم.
ليلى: الا شاروح بس انتي روحي مع خاله نوال وانا اذا روحت شخليهم يدوش تمام.
ليان: اكيد.
ليلى: ههههه اكيد
ليلى ضنت ان هي عد تروح والكل بس هي عد تجلس بالمستشفى هذي الليله.
وخطيت ليان ونوال.
بعدا ما مشيوا من المستشفى لؤي طلع عندهن الغرفه.
ليلى: هيا متى نروح.
نجود: ما عد زد قالو نقدر نخرج ذاحينه.
لؤي بيحاكي نجود: الممرضات بيجين يدخلين يتطمنيين عليها.
نجود: ايووه وهذك الذي تعرفها بسمها.
لؤي ابتسم: دكتوره غيداء.
نجود: الله يحفظها كانت كل شويه كل شويه الله يحفظها.
لؤي: هذك البنت صدق واحد يتجمل معاها عاملت لي الاورق حق النزول وزد نسيتهن وخبتهن وحاكت مدير المستشفى اجي اتدرب هانا.
نجود: ما هي صدق خدومه لكل شي.
ليلى:اشتي اروح.
لؤي:مثل ما قالت الدكتوره غيداء مستحيل تروحي الليله.
ليلى بهرم:اشتي يماه ارزح تعبت.
نجود:اكلتي قلبي يووه منش اصبري شويه.
ننتقل لعند علي ونوال.
وهم بالسياره مروحين وجالسين يتجابروا.
علي نسي ان ليان معاهم وليان رقدت.
علي: كيف قدي ليلى.
نوال: مالها شي الحمدلله بس تعبت بعد ما دخل خليل كنا انا ونجود نفحس الا يدها وظهرها ما قدرت تتنفس.
علي: يوووه، وذكر ان ليان موجوده التفت وابسر وانهي راقده.
علي: جبرها قد رقدت.
نوال: ههههههههه محلاها جلست جنب اختها وبتحاكي اختها وتشرب اختها تحيلينا لها من قلبنا.
وصلوا......
فتحت نوال البيت وعلي حظن ليان ودخلها داخل.
نوال: ههههههه الله يوصلني لبعد فتره لما تتزوج لما تكون تخرج انت ومرتك وجهالك وهم يرقدوا بالسياره وانت تحظنهم وتشلهم هههههههه.
علي: والله حسيت بهذا الشعور اول ما حملتها.
وفي نفسه "كان نفسي ابسر عيالي شبه ليان بهذا الحلا ويطلعوا على امهم بس خيره الله لا اكونش افكر كذيه يمكن الذي شتزوجها تكون احلى من ليلى خلاص يا علي ليلى تشتي ابن خالها لعد تفكر بها.".
وطرح ليان بغرفه امه فوق السرير وحبها ودفيها.
ننقل لبيت بسام.
قد الساعه 8 بعد ما خطيووا الناس.
بسام: وين عبدالله يجي يشلنا المستشفى هيا تجهزوا.
حنان:يمكن يا باه قد خرجوا من المستشفى.
بسام:مع قد اتصلت بهم.
احمد:يلا شاشلكم انا عبدالله عند اصحابه.
وشلهم احمد المستشفى وهم بنص الطريق اتصل عبدالله.
عبدالله:وين انتو البيت مغلق.
بسام:خاطيين المستشفى نبسر ليلى.
عبدالله بضبح: ليش ماتحاكوني.
بسام: وانت وين انت هااا قلي.
عبدالله: اتصلوا لي قولوا لي اجي
بسام: وانت مشو ضروري تجي.
عبدالله: الا قد شاجي ريعوا لي .
بسام: الحقنا معد شاريعش لاحد وغلق التلفون.
بسام بيحاكي احمد: اريع له قال ومشو ضروري يجي يلحقنا.
احمد: ههههههههههههه مهفوف.
بسام: اشتي اعرف ليش عيجي للمه.
احمد: احاكيك بشي يا باه بس لا تقول انني قلت لك.
بسام: خير اللهم اجعله خير.
احمد: بالاساس كان عبدالله يشتي ليلى بس ما سبرش.
بسام: ايووه.
احمد: وبس.
بسام: ليش يتزوج ليلى اصلا، ليلى بنت مثل القمر محد يسخى يزعلها وعد تجي لعند عبدالله الذي ما يخلي مخلوق خلقه الله الا وتصايح معه هااا البنت مابها سخاااا صدق.
احمد: وعبدالله مابه سخا يا باه وانا زعلت على اخي هههههه.
December 22, 2021 12K 6
