بسام: الله يحييك وعقبالك يبني.
لؤي: ههههههههههه ان شاء الله.
دق الباب.
صادق: يلا، يلا ادخلو شكل الناس قد عيجوا.
ليلى طلعت غرفتها ونجود وليان والكل طلعين لان معد بقي احد نازل.
دخلوا الديوان كلهم ولؤي خطي يفتح الباب وانه علي.
علي: قد به احد.
لؤي:وعليكم السلام.
علي: ههههههههههههه ارتبشت اصلا سمعت صوت رجال فقل قد جو.
لؤي: ماشي ليت والله ويفعل حادث.
طبعا خليل عيجي هو واصحابه ناس من اهل امه بما انهم كبار وخليل حاكى خاله الذي في البلاد بس خاله ما جاء.
علي: ياخي ما يجوز طز به.
لؤي: الله ينتفه.
علي: من قد به داخل.
لؤي: خالي وعياله.
علي: يلا ندخل وعرفني عليهم.
دخل علي وسلم عليهم ولؤي قال لخاله ان علي صاحبه قوي وابن جيرانهم وووووووو.
علي جلس جنب عبدالله وبداوا يتحاكوا وكل واحد يحكي على نفسه المهم لما جاء خليل والذي معه خرجوا يستقبلوهم ويسلموا عليهم ووووو تعرفوا عادات صنعاء.
بعد ما دخلو الديوان وطبعا علي جلس جنب عبدالله.
عبدالله: يا اخي كل ما ابسره هذا خليل يجي لي غاثي.
علي: ههههههههههه يا اخي غاثي بس لاااا والله يدي الطرش.
عبدالله: مسكينه بنت عمتي ودفت.
علي: هههههههههه بتسبر ان شاء الله.
هذك السااع عبدالله خرج تلفونه وفتح الوتس كتب لليلى رساله. " ما في عيونش سخااا يا ليلى للمه قد وجهش هكذا وانا قد قلت لش شفعل كل ما بوسعي لاجل اخرب تيه الخطوبه للمه هوذا بين اقولش مشتيش ابسر العيون الحاليات كذيه بيبكين نااهي".
وغلق النت.
جلسوا خزنوا واهل ام خليل جلسوا يتعرفوا على صادق وبعدها قريوا الفاتحه ودخلوا الشنطه ووووووووو......
المهم لما الساعه 7 مشيو خليل والذي معه والباقي جلسوا يخزنوا والجيران والكل كانو موجودين.
صادق:قد جاء ابوك يا علي.
علي:مع قال عيجي هذا الاسبوع ومدري.
صادق:الله يعينه بس بين افكر لو يسير يمسك لي الشركه الذي هاناك واحد مضمون واعرفه بدل ما ادور واحد.
علي:ههههههههه لا تسمعك امي.
صادق:للمه.
علي:امي تحب صنعاء قوي قلنا لها لو تسافر بالبدايه قالت يا ان احنا نسافر كلنا ولا مع.
صادق: وانت اذا تشتي اخطى امسك مع ابوك الشركه والكل.
علي: هههههههه ما انا لو تدي كنوز الدنيا ما شاسافرش اعيش هاناك اسافر بعمل وارجع فسحه اما اعيش ماشي عز القبيلي بلاده وبعدا ما شسخيش افلت لؤي الصديق الوفي ههههه.
صادق:هههههههههه
وجلسوا يتموا تخزينتهم وهذا يدي كلمه وهذا كلمه وزبج وضحك.
ننتقل لعند ليلى الذي قامت من النوم بعد العشاء لانه من كثر البكاء والزعل رقدت تجي تبسر رساله عبدالله وفي نفسها "جبرك صدق" هههه ردت عليه:شتقبل الموضوع مابش داعي تفعل شي اصلا.
عبدالله كان النت مفتوح عنده فتح وجلسوا يتراسلوا .
عبدالله:والله ما اخليش معه لوو ايش.
ليلى:عبدالله خلاص افهم تقبلت الموضوع والله عادي يمكن خليل يكون فيه خير ونصيبي.
المهم جلسوا من كلمه ل كلمه ويتحاكوا.
وعلي حينهو جالس جنب عبدالله هذك الساع مدري ليش التفت علي لعند عبدالله يشتي يحاكيه وابسر وان عبدالله بيراسل ليلى كيف عرف علي لما ابسر بتلفون عبدالله مكتوب ليلى بالبدايه حس انه موضوع عادي لانه مهما كان ابن خالها لما قري الرساله الذي رسلتها ليلى.
عبدالله،:المهم لا تفكري بشي انا موجود وشاحول بقدر الاستطاع.
ليلى:يوووه احرجتني بكلامك الحالي تسلم الله يحفظك يا عبدالله ويسعدك ويحقق لك ما في نفسك ان شاء الله.
علي قري تيه المحادثه رغم انهي عاديه بس انقهر قووي من ليلى وطبعا اول ما قري تيه الرساله غمض عيونه ورجع بسرعه فتح وجلس حتى معد قدرش يطعم القات سوء لانه اقتهر قوووي.
<<<لا تقل لها أحبكِ
إن لم تشعر أن قلبك سيتوقف عن الخفقان
وأنت تحاول أن تخبرها أنك تحبها.>>>
Ala'a taraq/ بقلم✒️
December 20, 2021 4.1K 5
