ليان: ليش يا بابا خليل مشو حالي ودايما يجلس يصيح ويقول لك انت تبسر انت تبسر و مره سمعتكم تتحاكوا بموضوع نسيت ايشه بس قال انت تبسر انت تبسر اسمعه يقول هكذا لك وانت تقول له ناهي.
صادق بربكه: مشو عليش هذا الخبر وشل نفسه وخطي.
نجود ما اهتمتش بهذا الموضوع وخطيت بعد ما تمت تصطبح.
لؤي: تذكري يا حبيبتي ايش، كان يقول خليل لبابا.
ليان: كان يهدده بس نسيت.
لؤي: حاولي تذكري وشدي لش مافي نفسش.
ليان: توعدني.
لؤي: اوعدش.
ليان: نااهي شتذكر واقوول لك.
لؤي: يلا نااهي وقاام وخطي.
في بيت علي.
نوال: اتصلت لابووك امس قال ان شاء الله ذيه الاسبووع عيجي
علي: ان شاء الله.
نوال: عد تسير اليووم الخطوبه.
علي: ايووه.
نوال: للمه يبني تسير عد تغثى يبني لو هو انا مكانه ما ابدي لانه شغثى قوي.
علي: هذك انتي لان انتين يا النسووان قلووبكن رقيقه بس انا داري انهي معد تتمش الخطبه لهذا شاسير وما شابين لخليل اني اشتيها شاسير وكان الموجب موجبنا واستقبل وافعلهن كلهن هذا حناك لخليل.
نوال: هياا كان انتبه على رووحك.
علي: ناهي يمااه الله يحفظش.
نوال: وليان عد تجي.
علي: قال لي لؤي عيديها بس مدري يلا خااطرش قد تاخرت اليووم.
نوال: الله يوفقك.
نرجع لعند ليلى هي وعبدالله هولاء الاثنين الذي ما غمضت عيوونهم طول الليل وليلى تبكي وعبدالله يفكر في ليلى.
عبدالله رسل لليلى رساله: صباح الخير كيف قدش اليووم لا تنهاري وتتعبي نفسش هي ذاحينه خطوبه شازيد افعل ما بوسعي حتى لو كلف الامر اقتله.
ليلى هذك السااع كانت راايقه ابسرت الرساله وردت: يا صباح النور، انا الحمدلله، ههههه لا تفعل ولا شي خلاص ان رضيت بما كتبه لي ربي وزد ليش عد تقتله تشتي تدخل السجن على سب تاافهه لا ماشي.
صح على العمووم انا اسفه على كلاامي امس كنت بحاله لا يعلم بها الله.
عبدالله اول ما ابسر الرساله ابتسم وكتب: لو كلفني الامر ذاحينه شقتله على سبش انتي وزد عادي هو الواحد يكون احيانا في حاله غضب ضروري ينفعل.
ليلى: قلت لك راضيه بما كتبه الله لي وبعدا معد اسمحش لك تقتله وتدخل السجن وبعدا من عيكون يخرجتي من الضيق والهم الذي انا في ويرسل لي هاا ههههههههههههه.
ليلى لما بتتحاكي هكذا لانها بتعتبره اخ لها وما تفكر بعبدالله ولا 1% اما بالنسبه لعبدالله هو يظن له انه ليلى بتحبه وهو الظن غلط.
وبداو يتجابروا وليلى من داخلها مقهوره بس ما تبينش.......
نجود هذك اليوم ما خطيتش العمل جلست تجهز البيت اما ليان مابش داعي تسير بيت علي لانه امها واختها بالبيت جلست تتفرج التلفزيوون وتلعب.
نرجع لعند نوال.
نوال في نفسها"يوووم ليش ما جت ليان اليووم شتصل لعلي يسال لؤي ليش ما جتش او فيها شي ".
اتصلت لعلي.
علي: حيا بالغاليه.
نوال: لك الحياه الدنيا بس اشتي اسالك ليش ما جتش ليان اليووم او فيها شي ولا شي.
علي: ماشي بس اليووم لؤي بيحاكيني ان ليلى ما خطيتش المعهد لانه تاعبه بعد حاكاها لؤي امس واليوم الخطبه.
نوال: يووه.
علي: ايووه وزد امها ما داومتش اليووم.
نوال: وكيف لها نجود.
علي: هاااي هااا يمه قد تغيرت معد بش هذاك الغرور.
نوال: يلا سابر بس قلت اسال على البنت.
علي: المهم تشتوا شي.
نوال: مع الله يحفظك.
علي: في امان الله وغلق التلفون.
نوال مادام نجود في البيت شاسير شويه ابسرها وابسر ليلى ولبست البالطو وخطيت.
وهي بتدق الباب.
الشغاله فتحت الباب وخطيت تداعي لنجود.
ليان اول ما ابسرت نوال حملت تحظنها.
ليان: خاله نوال.
نوال: كيف انتي يا حاليه.
ليان: الحمدلله وانتي كيف حالش علي خطي العمل.
نوال: ايووه يا قلبي.
جت نجود وابسرت نوال: حيا نوال ادخلي الديوان للمه جالسه هانا.
نوال: نجلس في الصاله هانا احلا مافيني من دخل الديووان وانا ما جيت غير ابسرش وين انتي مغيبه.
نجود بشويه غرور: والله عمل ومن حق الدنيا هذه وماسكه الشركه.
نوال: الله يعينش والف مبرووك لليلى الله يكتب لها ما فيه الخير وين هي ابسرها.
نجود: ليان يا ماما اطلعي داعي ليلى تنزل تجاوب خاله نوال.
ليان: حااضر وطلعت.
ونجود ونوال جلسين يتجابرين.
ليان دخلت الغرفه: ليلى ليلى انزلي جاوبي.
ليلى طرحت التلفون: من اجاوب.
ليان: اتحداش تعرفي.
ليلى: من هيااا.
ليان: خاله نوال.
ليلى باستغراب: خاله نوال😳 ليش جت.
ليان: مدري المهم بسرعه انزلي.
ليلى: طيب اسبقيني.
ليلى كانت لابسه بجاامه لونها رماديه سبرت شعرها وتعطرت ونزلت.
ليلى نزلت : حيا خاله.
نوال: لش الحيااه يا بنتي وتسالمين.
والشغاله جت وادت عصير لنوال.
طبعا ليلى باين بعيوونها الحزن والتعب من كثر ما بكت قد تحت عيونها اسوود شويه " يقولوا حارقات. ههههههه"
نوال ابسرت ليلى: يا بنتي الف مبروك وربي يكتب لش فيه الخير لا تزعلي ولاا ما ادرااش الله وان الباري يسخر لش، مافي الوجهه هذا القمري سخاا يزعل قواا بنتي .
December 20, 2021 5.9K 2
