نوال دهفت علي: قوم من جنبي قووم صلي اعووذ ببلله من ابليس اللعين.
علي: هههههههههه اهم شي امهم قبل الاحفاد هههههه.
نوال: ناااهي لك ههههههههه.
وخطيوا يصلوا.
نجود حاولت تدق لليلى على سب تفتح لها الباب بس للاسف ما رضتش ليلى الا لو ما هدئت وقاامت تصلي وتقري قراان.
لؤي بعد ما تم صلي طلع جلس جنب امه وهي بتراشي ليلى تفتح الباب وهم الاثنين جنب غرفتها.
ليلى فتحت باب غرفتها وابسرت لؤي وامها ودخلت مباشره.
لؤي ونجود دخلوا الغرفه.
ليلى وهي مقفيه: يمااه اذا لؤي جنبش فرجا يخرج.
لؤي:ليلى صلي على النبي وشاحاكيش بالمووضوع..
ليلى بصياح وبكاء:اخرج لو سمحت مابش شي بيننا.
نجود اشرت للؤي انها بتحل الموضوع وخرج لؤي.
نجود:يا بنت للمه هذا كله الزوواج قسمه ونصيب محد دارري ما هو نصيبه ومع الاياام عيسبر خليل كم من واحده سبرت زوجها وهو كان اكبر صايع يا بنتي مش هكذا.
ليلى: المووضوع مش هذا الموضووع كيف رجمتوني لعنده كيف انتو داريين ان احنا ما نطيقش بعض كيف قوولي كيف وبدات تبكي.
نجود:يا بنتي عد يالف الله مافي القلووب مهما كان ابسري انا وابووش بيننا قصه حب من يووم واحنا عاد احنا بالجامعه ابسري ذاحينه ما بنسدش لهذا محد داري ربي ما مقدر له وبعدا يا بنتي اخووش بيحاول يساعدش.
ليلى:ها ها ها اخي يسااعدني لو بيساعدني ما هو مصاحب لخليل وصحبه ومدري ايش وانا بين احترق من داخلي او مه لو بيسااعدني انه تم الموضوع هذااا من يوومها لاكن محد داري وين انا وبتبكي.
نجود:يا قلبي عليش سهل سهل مع الاياام عيكون كل شي حالي ومدرااش الله خليل ذيه الذي مستهينه به يكون احسن لش من الف واحد.
ليلى ببكاء:اكرهه اكرههه واكرههه لؤي جنبه لا تحاولوش تقنعووني انتو عد تتحملوا بالذات ابي ولؤي الذي شكيت له ومعد يساعدنيش.
نجود بتحاول توواسي بنتها بس مابش فاايده.
لما تكوون ليلى مصره على شي عمرها معد تغير هذا القرااار من راسها.
ننتقل الى عبدالله الذي كان همه كله ليلى وفي نفسه "درت او لا درت او لاا".
وهم مجتمعين بالصاله.
بساام:البيت فضي.
احمد:صح والله كان به عمه نجود تفعل لنا جوو شوويه.
وعبدالله مطنن.
بسام:عبدالله وووو عبدالله مالك مطنن.
عبدالله:هااا بتحاكووني.
احمد:لااا بنحاكي نفسي مالك يا اخي صلي على النبي مال جهالك جاوعين سهل شاعشيهم.
عبدالله بيبسر احمد بنص عين:زبج حاامض اماانه الواحد ضابح له وهذاا يجي يتهيبل.
بساام:او عد تتصايحوا الاثنين اوقعوا رجال وقام وخطي من جنبهم..
احمد بيحاكي عبدالله:مالك يا اخي بين ابسرك من اول ما في نفسك.
عبدالله:غدوه خطووبه ليلى وانا مش قاادر افعل حاجه
احمد:ما اقدر اقوول لك يا اخي الا كل خير نصيبها.
عبدالله:كيف نصيبها لا تجننبي ليلى ليلى غدوه خطوبتها.
احمد:يا اخي في شي اسمه قضاء وقدر خلااص محد داري ايش ربي كاتب له لهذا وااحد يتووكل على الله.
عبدالله:سابر وقاام خطي لغرفته.
اتصل عبدالله لليلى وكان ليلى تبكي وتلفونها كان هززاز ونجود خرجت من جنبها.
ليلى فتحت الصوت وجلست تسممع بس.
عبدالله: ليلى والله اني حاولت اساعدش بس للاسف ما قدرتش بس انتي قلتي تشتي تذاكر تسافري انتي وليان شساعدكن بهذا الموضوع ابشري اسبوع وهن جاهزات
ليلى وصووتها حزين:هههه ساعدتني ما شاء الله عليك قووي تسلم ما تقصرر اصلا واحد يقدر يعتمد عليكم انت ولؤي بس للاسف هههه ما قدرت اوثق الا باثنين مش عينفعوني بشي بالنسبه للسفر انسي.
عبدالله:حاسس بش والله.
ليلى:لا تحس ولا تحس راضيه بقضاء الله وقدره صح منهااره شويه بس ب الاول والاخير شرضاء وغصبا عني.
عبدالله:ليلى.
ليلى:الله معك.
وغلقت السماعه.
عبدالله زعل على ليلى قووي وزد قهره كلامها.
اما ليلى منهااره قووي وجالسه فووق السرير وبتبكي.
اما لؤي جلس في غرفته حاول يذااكر بس يذكر الموضوع ويذكر ليلى وكلامها ويزيد قهره اكثر واكثر.
اما خليل في هذي اللحظه منتصر عليهم كلهم انه بيشل ليلى وداري ان مصاحبه لؤي له مصلحه بس بيمشيها له.
✒️بقلم /Ala'a taraq
December 20, 2021 3.6K 4
