8️⃣3️⃣البارت الثامن والثلاثوون:
ننتقل الى بيت صادق.
ليلى ولؤي كانوا جالسين وبيتحاكوا.
لؤي: ليلى.
ليلى: هممم.
لؤي: ليلى لو يجي يوم من الايام ويحصل شي ولا شي فيني.
ليلى تنهدت: ايش بيكون مثلا.
لؤي: اي شي يحصل لي شي.
ليلى شافت اخوها بنص عين: بطل هذا الخبر.
لؤي:كان خلاص لو يجي يووم من الايام ويحصل شي وانتي ما تشتيش هذا الشي يحصل بس حصل.
ليلى بضحكه على جنب:ههه بيحصل اصلا لانه مش بيدي.
لؤي:ليلى مش قاادر ادخلش بالمووضووع بس شاقلش شي مش يعني الاخ انه مش قاادر يفعل شي لاخته لااا بالعكس انا احااول كل ما بوسعي ارضيش واسلي خاطرش وحاولت وحاولت وحاولت ذي المره بس ما قدرتش.
ليلى:بدون لف ودوران ايش بالضبط.
لؤي مسك يد اخته:ليلى حاولت ما بوسعي اوقف خطوبتش من خليل حاولت لا تقوولي اني بين اصااحب خليل هكذا لااا حاولت اصاحبه واقنعه انه مابش شي عيحصل بينش انتي وهو اقصد خطووبه بس كل ما حااولت انصد انصد لهذا حااولت بس ما قدرتش وحاولي تتقبلي خليل هذا الذي اقدر اقوول لش عليه.
ليلى تلتفت وعيونها ملان دمووع وهي تبكي لعند لؤي:انا داريه انك معد تفعلش شي وانك عد تودف بي انت وابي وعند من وعند خليل الذي محد داري وينهو وتبكي.
اصلا انت لو همك المووضوع كنت وقفت ابي بس انت سكت وقفته بالبدايه وبعدا خلااص اقتنعت.
لؤي:ويشهد ربي حاولت اقنعه اكثر من مره بس ما قددرتش كنت كل ما احاكيه تصايحنا.
ليلى كانت حاظنه المخده وبتبكي وبقهر:اصلا لو انت تحبني صدق لتحرق الدنيا لجل هذا المووضوع وكنت وقفت الدنيا وما فيها بس انت بالنهايه صاحبت خليل او مه وشلت نفسها وطلعت وهي بتبكي وهي في الدرج التفتت وبتتحاكي:الله لا ساامحتك انت وابي عد تظلمووني وبذات انت نقول ابي ولا بحسه بس انت انت دااري انني شاودف وطلعت تبكي.
لؤي لحقها لانه افتجع على اخته بس هي دخلت الغرفه وجلست في الارض وجلست تبكي بقووه لؤي كان يدق عليها الباب وهي تبكي.
ليلى:لؤي لا انت اخي ولا اعرفك واذا تشتي شي سير دور اخت بداالي تمااام.
لؤي هذك السااع من شدده القهر على اخته دمعين عيوونه وزد حين قالت لها لا انت اخي ولا اعرفك.
سمع صووت الباب بيدق حمل يفتح وابسر انهي امه وماسكه شنطه كبيره.
لؤي:حياا امه.
نجود:وين البناات.
لؤي:ليلى طالع وليان ببيت........
نجود:ليش،هي هناك على اساس ان به جهال هاناك.
لؤي:ماشي،بس كنا نشلها يووم كانت بالبيت وليلى تسير المعهد لانه ما بنسطااش نخليها وحدها بالبيت وخاله نوال تفرح بها قووي حين يعجبها الجهال.
نجود:اهااا وليلى درت بالخبر.
لؤي هز براسه وتنهد: ذاحينه درت، مغلقه على روحها ذاحينه ما رضتش تفتح لي.
نجود:ساابر اطرح شنطتي في الغرفه وانا شطلع لعندها.
لؤي:حااضر بعد ما طرح شنطه امه رجع خطي للشارع واتصل لعلي.
هذك السااع كانت السااعه 6 المغرب.
عند علي كان جالس هو وليان بياكلوا جعالتهم وليان بتاكل جعالتها.
علي: تشتي ازيد لش من هذا معي ملاان.
ليان: مع كفاتي اختي ليلى كانت تقلي محد ياكل نفس الاكل مره واحده بالذات لو به خيررات لانه يمرض الوحد وانت اكل شويه شوويه انا كفااتي واحد وخلاص وشقتنع بما معي.
علي: بس انا عزمتش.
ليان: مشتيش.
علي: لياان ضروري تااكلي معي معد اكملش وحدي.
ليان: من قلك تشتراهن كلهن انت راكن اني شساعدك ماشي معد اكلهن اكلهن انت.
علي: يا منعااه ههههه.
ليان: ماشي ههههههههههههههههههه.
اتصل لؤي لعلي.
على رده مشغول.
علي: شخرج اجاوب التلفوون وارجع بسررعه.
ليان: تماام.
علي قام وخرج الشارع ابسر لؤي جالس باب بيتهم.
علي: لؤؤي هيا مه.
لؤي والحزن ملان وجهه: للاسف طبيعي تفعل الذي ما ينفعل بكت والان منهااره قالت لي الله لا يسامحك.
علي: اااااف لهذي الدرجه.
لؤي: ولا انا اخوها ولا اعرفها.
علي: لااا بلله قالت هكذا.
لؤي: وقسم بلله يا اخي تعبت والله لو بيدي لاسير اقتله اقتله.
علي: صلي على النبي ذاحينه الان ركز على جامعتك واختباراتك وهي فتره وتعدي وانا شجلس احااول معه والقى الذي احنا نشتيه.
لؤي هز براسه بمعنى تماام ووجهه مكبوود قووي وزاعل.
علي: ابسر انت اخ ما مثلك وخواتك يحبنك هي سااعه غضب وبس وبتعدي ان شاء الله على ليلى وانا متاكد وبتتقبل المووضوع وانت بتشووف والحركه الاخيره اذا بتنجح الخطه ان شاء الله بتزيد تحبك اكثر وتقول اخي سااعدني ما دعممش.
لؤي: نااهي ان شاء الله خير.
علي: يلا الان بياذن مغرب ادخل صلي وابسر ما تشتي امك وارجع ذااكر.
لؤي شل نفسه ودخل بيتهم.
علي دخل بيتهم وابسر امه: وين ليان.
نوال اشرت لعلي ان ليان بتصلي.
علي جلس جنب امه وبيحاكيها بصوت واطي وهو يضحك: تخيلي هذي، بنتي بالمستقل ههههه جبرها صدق.
نوال: تصدق يبني اشتي ازوجك اليووم قبل غدوه ابسر احفاادي ابسر كيف هم ابسر هل عيوقعوا هكذا وشاحبهم مثل لياان او ماشي.
علي: وما تشتي تبسري الا احفاادش وامهم انا الذي، اشتي ابسرهاا.
December 20, 2021 3.5K 1
