عبدالله: وما دراش انها ما تشتينيش.
نجود: لاني اعرف ليلى ولما تجلس تحكي لي انك تعتبر اخوها
عبدالله: اهاااا.
نجود: الله يكتب لكم ما في الخير لبعضكم او بدووون المهم انسي ذيه الموووضوع.
ليان بعد ما تمت لبست وووووو خطيت هي ولؤي لبيت علي وهم بيدقدقوا الباب وليان تخبت.
علي فتح الباب وابسر لؤي: حيا لؤي.
لؤي غمز لعلي ان ليان موجوده.
علي: وين هي ليان انا قلت لك ما تجي الا انت وهي.
لؤي: ههههههههه ليان انت قلت لي ادي ليان.
وليان خرجت: بووووووو.
علي عمل نفسه انه افتجع: فجعتيني.
ليان بتضحك: هوذا جيت.
علي حظن ليان وبيحبها: حيا حيا ليووونه منوره البيت قد امي فااقده لش قوويه .
ليان: وانا فاقده لكم خيراات والله.
علي: شدخل ادخلها وارجع لك.
لؤي هز براسه بمعنى تمام.
علي دخل هو ليان : يمااه يمااه جاووبي.
نوال: من يبني.
علي: جي ابسري معانا ضيفه.
نوال خرجت وابسرت ليان: يوووه جبررني حيااا بحبيبتي حياااا.
وليان حملت تحظن نوال.
ليان: كيف انتو يا خاله فقدت لكم.
نوال: وانا والكل يا عيني ورووحي الغاالي.
علي: ليوونه شخرج احاكي لؤي بسرعه وشرجع تماام.
ليان: نااهي بس لا تتاخر.
علي: الان.
علي خرج لعند لؤي للشارع ولؤي موطي رااسه وبيخطى من الطرف للطرف.
علي: هيا مه يا اخي صلي على رسوول الله مابش ما يكلف الان شم لك هواء ودخلت تحاكيها وقول لها عملت الذي اقدر عليه وما قدرتش ولا تبين ان به خطه ابدااا لانه لو ما تتنفذتش الخطه حراام نركنها او مه المهم ركز ذاحينه على درووسك من السبت اختبببارات ومااالك ما يسلا خاااطرك وعليااا هذا الموضوع ابشر.
لؤي تنهد وابسر لوجهه علي: يا اخي انت من وين ادووك هااا اسكه قلي والله تجبر الجرح والله جعلني فدااا لك.
علي: يفداك رووحي ودمي ما عد تشتي اهم شي ما تكون تغثي واطرح هذي الكلمه في راسك احنا اخوه فااهم مابش هولاء الهبالات بيننا وكل واحد حظن الثااني.
بعد ما رجع لؤي للبيت وهو متوتر كيف يقوول لاخته هذا الكلاام الذي عيجرحها.
ليلى كانت ضابحه جالسه بالصاله فوق الكنب وشايله الوساده حق الكنبه في حظنها ومطننه.
لؤي: احمم احمم.
ليلى: ايحين جيت واصريت وشليتها.
لؤي: ايوووه قد دحسني علي ما بلا اديها.
ليلى: سابر.
لؤي جلس جنب ليلى.
ليلى بتبسر له بنص عين..
وكان لؤي حاسس مافي داخل ليلى.
وليلى كانهي حاسيه ما عيقوول لها لؤي.
لؤي وطي راسه وبدا يحاكي اخته.
ننتقل الى بيت علي.
كان علي وليان بيلعبوا في الصاله وليان كانت مستمتعه بقووه كانوا يلعبوا الغميضه ويتلاحقوا وما خلو لعبه الا ولعبوها.
الغميضه: اظن مابش احد ما قد لعبها وهي واحد يغمض عيونه ويعد والبقيه يتخبوا لما يلاقيهم الذي بيغمض عيووونه هههههههههه.
ليان كانت تضحك: انا اليووم مستمتعه قووي.
علي: انتي داريه اني مفلت شغلي وجالس العب معش.
ليان: ليش تفعل هكذا كنت تكمل شغلك وبعدا نلعب.
علي: ههههههههه هو لانش موجوده شلعب وشغلي سهل للعشي واشتغل المهم ايش رايش نخرج البقاله نشتري لنا جعاله ونتم نلعب.
ليان جلست تفكر شويه لو خرجت مع علي ليلى عد تصيح لانها قالت لها ما يكون يجعلها علي.
ليان: ماشي مع مشتيش.
علي: انا اصلا وعدتش قبل الاختبارات افعل لش مفاجااه فقلت اخرج اجعلش ايش رايش.
ليان هزت براسها بمعنى لااا.
علي دري انه ورااا هذا كله ليلى لانها تمنع ليان.
ليان: نخرج انا وانت بس هاا بشرط.
علي بضحكه: وايش الشرط.
ليان: شرطي اخرج بس نتمشي مش نجعل واذا جعلت انا شاحاسب من زلطي.
علي ضحك ضحكه خفيفه وابسر براءتها: خلاص طيب اتفقنا بس اسالش سؤال ليش ما اجعلش انا.
ليان: اصلا ما يعجبنيش.
علي جلس على ركبه قدام ليان ويبسر لها: ما يعجبكش ولا ليلى تصيح عليش.
ليان: شووف اممم انا عمري ما حبيت اكذب بس كذبت عليك هذي المره صح ليلى تصيح..
علي: ولو اقول لش اليوم انا اعزمش وانتي مره ثانيه تعزميني.
ليان: لااا ابدا كل من يشتري بزلطه اتفقنا ولا معد اخرجش وشاروح بيتنا.
علي: ليش ترووحي خلاص ماداام هكذا يلا نااهي اتفقنا.
اما نووال كل ما تبسر علي وحبه لليان تدعي ان ربي يسخر لعلي.
علي: يمااه تشتو شي اشتري لكم على الطريق شخرج انا وليان.
ليان: ولا تشتي شي ششتري لها انا الواحد لما يشتي يعزم ما يتحاكااش ششتري لها انا لانش مخزنه ششتري لش ببسي تمام.
نوال كانت تضحك: ههههههههههههههههه تمااام.
وشلت زلطها وخرجت هي وعلي.
طبعا ليان كان معاها بالشنطه 500ريال وصلوا للسوبر ماركت وبعدا كانت تمشي ليان هي وعلي.
ليان: يا علي ايش يعجبها خاله من ببسي ما من نكهه.
علي: ههههههههههههههه اي شي.
ليان: طيب بشتري لها واحد.
علي: انا ششتري لها هذي المره وانتي ناوليها على اساس انها منش.
ليان: ابدا ششتري لها انا وخطيت واشترت واحد ببسي واشترت لها بالزلط المتبقيه جعاله بس اصلا ما فضل لها الا 300.
علي: زيدي اشتري.
December 20, 2021 3.9K 3
