Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 08/23/2026 · v0.2.0 · e3d07f8

Privacy Terms DMCA & complaints Report a violation

حَيْرة (@hyra313) — Telegram — TG.ME

حَيْرة

@hyra313 · 2.3K subscribers

Created in 2023

بَسيطُ جداً تواصل ؛ @hayaruh_bot

Show more

Open in Telegram

Information

Username@hyra313

CreatedNovember 25, 2023

Linkt.me/hyra313

Posts Media Stats Similar Reviews

⌘K

Newest first

Newest first Oldest first

Share channel “حَيْرة”

The short link opens the channel straight in the Telegram app — not in a browser tab.

tg.me/go/hyra313

Is this your channel? Add @tgme as admin — and see how many people click your links. Get the stats →

Channel history

Channel created November 25, 2023per Telegram

We have been tracking it since August 23, 2026

In all that time the channel has changed neither its name, nor its @username, nor its avatar.

We show only what we have seen ourselves.

Posts Media Stats Similar Reviews

Where to next

Hamster Kombat Announcement21.8M subscribers

Blum: All Crypto – One App15.3M subscribers

Major Community13.1M subscribers

Proxy MTProto11.9M subscribers

Telegram Tips11.1M subscribers

Pavel Durov11.1M subscribers

tapswap community10.8M subscribers

Telegram News9.8M subscribers

Reviews

0

Log in to leave a reviewLog in

No reviews yet

Be the first to share your experience with this account.

والأكثر وجعاً.. أنني اكتشفت مؤخرًا أن كل ما كتبته في مذكراتي مو موجود أصلاً، وكل الساعات اللي گعدت أكتب بيها جانت صفحاتها فارغة!

تعبت من أجواء المستشفى والعلاجات مو تذمر بس شيء مزعج ومؤذي جداً وكل ما أتقدم گاعد تكون الفترة كلش صعبة والآثار الجانبية مرعبة. البارحة أنا نايم كعدت الساعة 3 الفجر مثل العادة حتى أصلي، گمت حتى أنزل المصعد ما اشتغل، نزلت على الدرج وصلت الحمام وخلصت وبعدها شربت چاي وأذن ورحت حتى أصلي بالمصلى وخلصت وچنت داقرأ قرآن واكتشفت أنو كل اللي صار هو هلوسة!!! بعدني بالغرفة نفسها، وأصلاً ما نايم گاعد على الكرسي وكدامي أكلي اللي جنت مفكر أكلته والساعة هي 8 بالليل، وكل اللي صار ما موجود أصلاً وكأني عايش بغير عالم واكتشفت مؤخراً أن معظم الأشياء اللي چنت أسويها هي مو موجودة ولا جنت أسويها حتى.

تتخيل، جلستي ويا الدكتورة النفسية كانت يوم الأربعاء استمريت بالحديث وياها لأكثر من 6 ساعات وأتذكر كل تفصيلة حچيتها ومؤخراً گولولي الدكتورة ما أجت بهذا اليوم أصلاً، وأنت طول الوقت جنت گاعد على نفس الكرسي بس الدكتورة مو موجودة!
گاعد أكتب الكم هذا المسج بتاريخ 8/22 الساعة 12:42، وأنا متوجه للمسجد النبوي ويا صديقي موسى بعد ما ركبنا طيارة من مطار جدة إلى المدينة، وگعدت طول الطريق أحچي اله على اللي صار وخايف يكون كل هذا مو موجود مرات أنت تكون عايش جسداً، لكن غير موجود روحياً

بس هل معناها نستسلم للواقع المر يا ترى؟ شوفوا قبل لا أوصل للمسجد، قرأت آية مكتوبة على لافتة بالطريق وأيقنت أن الله يحدثني بها كان مكتوب "لَا يُكَلِّفُ اللَّهُ نَفْسًا إِلَّا وُسْعَهَا" حاشا لله العظيم أن يكلف أي واحد بينا فوق طاقته مهما تشوف الأمر حالياً جبير عليك، راح ينقضي بعدين وتكون بمكان أفضل وأن الأقدار لا تُقاس بما يدركه العقل في لحظة ضعفه، وحقيقةً، كل من يخوض معارك خفية مع نفسه والدنيا تنگلب عليه، ما عليه إلا ألا يستسلم لانفصال الروح عن الجسد، بل يجعل من اليقين ملجأً حين يختفي كل شيء مألوف فالله سبحانه وتعالى لا يترك عبداً تاهاً في وسط الطريق. فمهما ضاقت مساحات الواقع وتشوهت ملامحه، ومهما شعرت أنك تمشي على جمر من الشك والهلوسة، تذكر أن الله يعلم دبيب النية في قلبك حين تضعف وتتعب الإنسان اليوم بينا ليس بما يراه الناس منهُ، بل بما تكابده روحه بصمت بعيدًا عن أعينهم اصبر فوحدها الأرواح التي تجرعت مرارة التيه هي التي تعرف لاحقًا طعم النور الحقيقي حين تشرق شمس اليقين ويكفيني عِزاً بطريق لكل بقاع الطمأنينة، أن أعلم وأنتم ايضًا أن الله إذا أراد بعبدٍ خيراً ألقى في قلبه سكينًا لا تهزها عواصف الدنيا وأن كل هذا الوجع والتعب مهما طال سيصبح مجرد قصة تُروى عن روحٍ نضجت.

ممكن تكون هذه الرسالة أيضًا جزءاً من الوهم.... لا أدري؟

981Aug 21

اليوم ونحن نعيش ذكرى استشهاد سيد الخلق (صلى الله عليه وآله)،چنت داأصفح تفاصيل سيرته وشوية من الكُتب مالتي ، هذا النبي اللي ما چان مجرد اسم نردده بالمناسبات ومو فقط نصلي عليه ، چان مشروع إلهي كامل. گابل الجاهلية والوأد والثأر مو بسيف ولا بانتقام ابدًا بل برحمة وعطف تذكرت عندما دخل الطائف وحيداً، وعرض الإسلام على أشرافها وسادتها فلم يكتفوا بالرفض القاسي بل قابلوا دعوته بالاستهزاء والسخرية وأغروا به سفهاءهم وعبيدهم ليطردوه. وقف الجموع صفين على طريقه وصاروا يرمونه بالحجارة من كل جانب حتى أُدميت قدماه الشريفتان، وصارت نعلاه تلتصقان بالدم من شدة الجراح. مضى النبي مثخناً بالجراح، متعباً، مدمى القدمين، حتى لجأ إلى بستان خارج الطائف يملكه "عتبة وشيبة ابنا ربيعة" فجلس تحت ظلال شجرة عنب، وهناك التفت إلى السماء رافعاً يديه المناجيتين بقلب ينبض بالرحمة لا الانتقام، ليرفع ذلك الدعاء گال "اللهم اهدِ قومي فإنهم لا يعلمون" منو يسويها اليوم!!! بين الألم والانكسار الهائل، اختار يكون رحيم معَ أنهم لايستحقوا ذلك.

زين، وين إحنا اليوم من هذا ؟
تگلب عيونك بالواقع وتشوف العجب دماء تُستباح بفتاوى، أعراض تُنتهك بالصمت، أموال تاكلها النار والباطل تحت غطاء الدين، وصار الكبر والتعصب بمكان التواضع والأخوة! أمة أرادها الله تكون شاهدة بالعدل، صارت شاهدة على نفسها بالظلم ومثل ما گال الدكتور الوائلي في احدى الخُطب " محمدُ هل لهذا جئت تسعى وهل لك ينتمي هَمجٌ رُعاعُ ". ورثنا اسمه بس غفلنا عن جوهر رسالته الدين ما إجا سيف على رگاب الضعفاء، إجا ميزان يحمي الضعيف من القوي، ترا دمعة الحزن بذكراه مالها أي قيمة إذا ما تتحول لوعي وتغير من نفسك ماتفيد الدمعة وعلي لو تبچي لصبح ،هسه لو كل واحد بينا يسأل نفسه بصدق إحنا نحمل اسمه لو نهجه؟؟ الي يحبه صدگ، يعدل ظلمه لأقرب الناس اله قبل ما يبچي على ظلم التاريخ اله، ومن أراد يفي لدمه الطاهر، يبدأ بإصلاح الي أفسدته إيده هو، لا يظل يلوم غيره وهاي هي .

رحل مظلوماً ببيته مثل ما عاش مظلوماً ببداية دعوته، وقصة النبي ومظلوميته متوگف بذاك الزمان، هي دا تنعاد بينا كل يوم ويبقى السؤال المعلق برگبة كل واحد بينا إحنا زعلانين لأن التاريخ ظلم محمد (ص) بس شوكت نبطل نظلمه إحنا بأفعالنا؟؟ ها؟

العراق تجمع سكاني فاشل يقوده الترند.

اليوم التقيت بصديقي عبدالله من الكويت بعد ما نسجن العام الماضي هنا بالسعودية لمدة سنة وشهرين بسبب توزيعه لزيارة وتربة الامام الحسين ع ، الي فاجأني بي هو سعيد جداً رغم الذل الي كان عايش بي مع الوهابية ناصبي العداء لمحمد ص فسألته انت ليش سعيد وجاي تضحك رغم هذا الصار كله ، گلي هاي الحچايات مرات الإنسان الله ينطي كل الخير بس ظاهر الامر حرمان من النعم بينما باطنة هو كل الخير والجزاء يگول بعد ما اجيت للعمرة واكملت عمرتي وقع في قلبي العشق الالهي وچنت ادعو الله ان يجلسني بجوار بيته الحرام ويخليني قريب منه واحفظ القرآن لان هو جان مشغول عن الله بالعمل وغير امور تخلي بعيد عن الله فجأة بهذه اللحظات من بعد التوزيع القو القبض عليه وحكموا عليه بسنة يگول أنا طلبت من الله القرب منه والله قربني، بس أنا كنت أتصور القرب يكون بالطريقة اللي أريده ألا انهُ ادرك ان سجنه ما هو الا استجابة لدعواته ورحمة خفيه ، دار نقاش مابيني وبينه مو كل باب ينغلق بوجهك يكون عقوبة، ومو كل باب ينفتح بوجهك يكون نعمة. أحيانًا أنت تدعو الله أن يغير حياتك لكنك تتوقع أن التغيير يأتيك بصورة جميلة ومريحة تشبه أحلامك، بينما الله قد يغير حياتك بطريقة تكسر كل الصورة اللي رسمتها أنت او رسمتيها انتِ.

مثلما هو الحال مع نبينا يوسف ع يوسف رفض الخضوع والاستجابة لشيطان امرأة عزيز مصر ودخل السجن مظلومًا لا مجرمًا، وهو لا يعرف كم سيبقى ولا ماذا سيحدث بعد ذلك ﴿قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ﴾ لنكتشف بعد ذالك ان ما كان السجن الا رحمة من الله يوسف دخل السجن مظلومًا ، وخرج منه حاكم على مصر وهنا عبدالله گالي "أنت ترى السجن، وأنا أرى الطريق"ولهذا قال تعالى "وَاللَّهُ غَالِبٌ عَلَىٰ أَمْرِهِ وَلَٰكِنَّ أَكْثَرَ النَّاسِ لَا يَعْلَمُونَ" وهاي الآية بالنسبة إلي تختصر شي عظيم الله غالب على أمره، يعني أنت تشوف الحادثة من أولها، والله يشوفها من أولها إلى آخره أنت تشوف الباب وهو ينسد بوجهك، والله يعرف وين راح ياخذك هذا الإغلاق. أنت تشوف التأخير، والله يعرف ماذا سيأتي بعده. أنت تشوف الحرمان، والله قد يكون يهيئ لك به نعمة ما چنت تعرف كيف تطلبها. ولهذا لا يمكن للإنسان أن يحكم على كل شيء من لحظته الأولى

يمكن أن تكون الآن في أكثر فصل يؤلمك من حياتك وأنت لا تعرف أنك في الفصل الذي يسبق أجمل فصولها، ويمكن أن تكون واقفًا أمام شيء تقول عنه ليش يا ربي ليش؟ وبعد سنوات تلتفت إليه وتگول الحمد لله يا رب أنك فعلت، لأن بعض الأشياء لا نفهم حكمتها عندما تحدث بل نفهمها عندما ننظر إلى الوراء وحينها فقط قد تكتشف أن الله لم يكن يأخذ منك كان يقودك فقط.

[media, no text]

[media, no text]

[media, no text]

جمعة مُباركة 🤍

[media, no text]

هو ليش الله ما يستجاب دعائي !

حقيقة البارحة چنت أقرا بدعاء كميل، ووكفت يم جزئية خربشت افكاري ودائمًا ما اشوف هذا السؤال يتكرر عليه من الأحبة ليش الله ما يستجاب دعواتنا؟ بالرغم من أن الله سبحانه وتعالى يگول بسورة البقرة(وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ) هي شني ، اكو آلية لقبول الدعاء لو شنو بالضبط؟ لو احنا ما نستحق الله ينطينا اللي نريده؟ شوفوا خلي اتفق وياكم ماكو دعوة تُهمل عند الله، وكل الدعوات تُستجاب. بس لعد وينها؟ مثلاً، شخص يطلب معدل تسعين ويدعو بإلحاح وما يتحقق هالشي ليش؟

هنا لازم ندرك أن كل الدعوات تُجاب، بس مو كل الإجابات تجي بنفس الشكل اللي رسمته وخططت لهُ ببالك. الله عظيم ودائماً ما يختار الك الأفضل والأحسن الإمام علي عليه السلام يگول "لا يَسْتَحْيِي اللَّهُ أَنْ يَسْتَجِيبَ لِدُعَاءِ عَبْدِهِ، وَلَكِنَّهُ يُؤَخِّرُ الْإِجَابَةَ لِحِكْمَةٍ بَالِغَةٍ"ماكو شي يجيك صدفة كلشي بهذا الكون يخضع لحكمة دقيقة، حتى لو بدا ظاهر الأمر عكس توقعاتنا فلعل فيه وجهاً آخر نجهله تماماً مشكلتنا كبشر أننا ننظر للمواضيع من زاوية واحدة ضيقة "ليش ما صار الشي مثل ما أريد؟"، ونبدي نعاتب أو نلوم بدون أن ندرك أن ما خفي كان أعظم تخيل مرات تعتقد نجاحك بالطب وتروح طب وهو مو طريقك وتكون دكتور فاشل واحتمال تروح مدرس وهو مو اختيارك بس تكون افضل استاذ الإنسان أحياناً يحتاج يبتعد مسافة عن الحدث حتى تتبين له حقيقة الأمر. القرب الشديد من أي شيء يخفي عنك هواي حقائق، تماماً مثلما تكون لازك بصف حايط ورافع راسك وتباوع عليه، حتشوفه جبير لكن ما راح تشوفه كله نفس الشي هكذا هي الأقدار كلشي مرتب بحكمة بالغة وكل اختيار إلهي هو الأفضل، لكن عقولنا القاصرة قد تجهل غايته في وقتها.

ها ومو شرط كل الأدعية تحقق الك في دار الدنيا فالدنيا دار بلاء واختبار مو دار جزاء. يُحكى أن رجلاً بقي فقيراً يدعو الله ويطلب منه المال والسكن والرزق طيلة عشرين سنة بدون أن يرى استجابة دنيوية لطلبه حتى توفي فلما مات، تفاجأ بوجود قصور وأموال وما لذ وطاب في منزلته الآخرة، فسأل الملائكة متعجباً من أين لي هذا كله؟ فقالوا له هذا جزاء ما كنت تدعو به في الدنيا، إذ كان الله يستجيب دعاءك ويخبئه لك لما هو أبقى وخير وأعظم أجراً. إذن، ليس كل ما ندعو به يجب أن يُرى أثره في الدنيا

البارحة وانا جاي اقرأ دعاء كميل انتبهت لأمر خلاني اندفع حتى اكتب هذا الكلام آلامام علي بدعاء كميل قبل لا يبلش يدعي يگول " اَللّهُمَّ اغْفِرْ لي الذُّنُوبَ الَّتي تَحْبِسُ الدُّعاءَ" يعني ممكن انت تكون سبب بعدم وصول دعائك الى السماء وليس السبب قحطاً في رحمة الله أو بخلاً في عطائه (حاشا لله)، بل إن المعاصي والذنوب هي التي تمثل حاجزاً أو حجاباً يمنع وصوله أو قبول أثره ، فهنا نشوف الإمام قبل البدء بالدعاء يدعوا الله ان يغفر الذنوب الي ممكن تحبس الدعاء يعني لازم الإنسان يطهر باطنه ويستغفر من ذنوبه ويعالج أخطاءه أولاً، ليكون محلاً قابلاً لنزول الرحمة والإجابة.

الدعوة الما تتحقق مو معناها انرفضت معناها الله شايلك الأفضل اللي أنت بجهلك البشري ما تكدر تشوفه هسه الحياة مو دائماً تمشي على كيف خريطتنا، بس تمشي على كيف رحمة الله وحكمته اللي أوسع هواي كلش من أمانينا.

"اللي مكتوب ما منه مهروب"

هاي حچايات بيبيتي الله يرحمها، اللي من سنوات ترافقني كلماتها بكل عثرة أمر بيها بحياتي تگلي بيبي"هذا الشي مكتوب إلك وأنت لازم تتحمله" خلي أسولفلكم شي وإن شاء الله أنتم أخوتي العلاجات اللي أخذها جاي تسبب لي اكتئاب وتخليني عصبي جداً واثار جانبية أخرى لذلك مبتعد عن كل الناس اللي بمحيطي بشكل عام حتى لا أنهار، وحتى الوالدة خلصت فترة العلاج وخلاص حولتها للعراق، فهاي الأيام كلش صعبة عليَّه. من ضمن فترة علاجي اللي أقضيها بالمستشفى مخصصين لي ساعات ويا دكتورة نفسية وحقيقةً هاي أنقى إنسانة تعرفت عليها هي سعودية بس من أصول عراقية اليوم وأنا گاعد أقص عليها اللي أمر بيه كانت تگلي نفس كلمات بيبيتي الله يرحمها "حيدر، اللي مكتوب ما منه مهروب" غيرت هواي بيه، ورغم أنا كلي ثقة برحمة رب العالمين، إلا إنه يسخر لك ناس عجيبة غريبة! طبعاً اللي ما يعرف أنا سويت أخطر عملية بالعالم ونسبة نجاحها كانت 5% فقط ونسبة فشلها 95% لأني شخص مدخن. الناس اللي حوالي كلهم رفضوا أنو أسويها، وكانوا يگولون لي حيدر، أنت مستعد تخسر حياتك؟ حتى الدكتور اللي سوى العملية كانت هاي كلماته إلي بس ما فكرت ولو لثانية وحدة أتردد وأمتنع عنها لأن لو ما سويتها كان خسرت أعز إنسانة بحياتي، وهم جان أموت روحاً وأبقى جسداً فقط ،رغم كل هاي المعوقات اللي كانت ضدي، ورغم المنع الشديد إلا أنو ما فكرت ولو لــطَرْفة إن الله يتخلى عني وچنت لآخر لحظة أقرأ سورة (ق)، وأگول إذا طلعت بسلامة، أول ما أكوم على حيلي أسوي عمرة، وچنت أحجي كلامي لصديقي موسى ...

عموماً، وبعد ٣ أيام من العملية يلا
صحيت من البنج وما جنت أگدر أحچي وبقيت أصارع لمدة أيام وأسابيع يلا رفعوني من العناية المشددة والحمد لله كلشي عدى وأمي گامت بصحة وعافية قبلي وهذا أهم شي كان عندي بالتالي، لو كنت ما مسوي هذه العملية چان خسرت هذه الإنسانة مهما كانت خسارتي حالياً بس مو مثل خسارتي إلها وبكل مرة كانت تجسد لي هذه الآية {قُل لَّن يُصِيبَنَا إِلَّا مَا كَتَبَ اللَّهُ لَنَا} الحلو بعد ما تعافيت ودخلت فترة العلاج، تفاجأت بأن صديقي موسى حاجز لي طيران خاص للسعودية ومستشفى خاص، وكل أمور الدكاترة على حسابه! هذا الإنسان مستحيل راح أوافي. وبعد كل هذا هو واگف وياي وأصر ياخذني عمرة رغم ما أگدر أمشـي مسافة طويلة، اخذني بعربانة خاصة وخلاني أشوف الكعبة لأول مرة بحياتي والحمد لله

لذلك، ومن وسط هالشعور كله إذا كنت متوكل ومسلم أمرك إلى الله خليك متذكر دائماً إنك مو وحدك اتعب، واذا تريد تبچي ابچي وگول يا رب لا تفقد اليقين بإن الله أرحم بيك من أُمك اللي جابتك، الدنيا ممكن تاخذ منك صحتك وراحة بالك، وتخليك شايل جبال الهموم، بس والله العظيم رحمة الله تلمك وتجبر كسرك بطرق ما تخطر على بال بشر. الإنسان بالضعف يبين معدنه ورب العالمين ما ينسى دموعك ولا تعبك بالخفاء.....اصبر، وخلي قلبك معلق بالسماء، لأن الله ما يترك عبدٍ توكل عليه وراح يعوضك بوجوه طيبة ومواقف تخليك تحس إن كل هالألم والتعب چان مجرد طريق يوصلك لرحمة أوسع من الدنيا وما بيها ومو شرط يجيك الجبر نفس ما أنت متوقع وراسم ببالك، لا،راح يجيك نفس طريق الله اللي كاتبه إلك، وهو أعظم من اختياراتك لنفسك.

دُمتم بخير

[media, no text]

[media, no text]

[media, no text]

اسعد الله اوقاتكم بكل خير ، اصدقائي الحمدلله كلشي بخير وتمام وباجر راح نسفر من مستشفى موسكو الى مستشفى جده بالسعودية والحمدلله كل الوضع فل ودخلنا فترة العلاج وجاي تمشي طبيعي اشكر مسجاتكم اللطيفة و دعائكم الي كان مرافقني دائمًا .

فاسْتَجَبْنَا لَهُ فَكَشَفْنَا مَا بِهِ مِن ضُرٍّ ۖ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا

يا الله السلام عليكم أحبتي
انا بخير ووالدتي بخير الحمد لله ، شكرًا لكم جميعاً انا ممتن لكلامكم ودعواتكم واسأل الله ان يردها لكم اضعاف ، الفترة السابقة جانت صعبة جداً وهسه انا اكلمكم من سرير المستشفى غرفة العناية المركزة والحمدلله عدت الفترة الصعبة والجاي اصعب وأن شاء الله يعدي دام الرب موجود ودعواتكم وياي .

وأسأل الرحمٰن ان يبعد عنكم وعن اهاليكم ومحبيكم كل شر وسوء .

السلام عليكم ، يارب الكل يكونون بخير وعافية أحبتي باجر عمليتي وعملية الوالدة وهي من اخطر العمليات ونسبة نجاحها قليلة لا تنسونا من خالص دعائكم ، والرحمن يبعد عنكم وعن اهاليكم كل مكروه.

كلشي تحتاجونه متوفر يمكم بقسم الفهرست وكذلك بقسم الملفات ضغطت على نفسي بالفترة الي طافت في سبيل اصمم واكمل كُل شي من ملفات والحمدلله أتمت بإكمل وجه ،اتركم بكُل خير سامحوني اذا قصرت معكم بشي وان شاء الله اذا گمت بصحة وعافية راح اوافيكم بإسرع وقت ممكن واسأل الرحمٰن ان يوفقكم ويسهل عليكم جميعاً .

في امان الله 🤍