رَسمتيلي الكاع عَش ماردت اطير
فاردة جناحاتچ وبجناحي طَين
ووصَفتيلي الرقة بيچ وبالفراش
وريحة الدم نفَس عطر الياسمين
ووعَدتيني بضلتچ بكل الظروف
ولا بقيتي ولا انتِ من الرايحين
وقنعتيني بفكرة انو الحَب ضياع
عادي اذا تايه يدلي التايهين
جنتي ترديني احترك بس مالي صوت
وانتِ من الندى يجيسج تشتكين
عقلج بكد شامتج وقت النقاش
وعقلج بكد السما من تخبثين
جنت اتفه شي بعينج ، واني اكول
انتِ اعظم شي إذا تتذكرين
بكد غرورج باهته الدنيا بجفاج
وبكد معزتج عندي من دونج حزين
واكف بزردومي موس بأخر لقاء
لـ كلشي باوعتي وعليّة متباوعين
واكفة ع جفوني بالبدلة ، من انام
بكل حلم جاي ابجي من تتزوجين
يطول الله بعمرج ، ويستر عليج
والله ياخذ حقي .. لا تستعجلين
