روح بروح معناها
حيدر والنبي طه
نبينه - نبينه - نبينه
علي روح النبي نفسه
أقرب واقرب يحسه
ماضي وقادم وهسه
نحبهم - نحبهم
بيهم نندل الجنه
منهم احنه مو منه
بفي ال النبي عشنه
نحبهم نحبهم
بولايتهم فخر نختلف عالناس
عدنه حسين نعمه وعدنه عباس
الله اتفضل اعلينه
هاي النعمه منطينه
نبينه نبينه نبينه
——
خير وزايد النعمه
چي عدنه نبي الرحمه
محمد ياجمال اسمه
جماله جماله
مايفرق نفس دمه
حيدر مثل ابن عمه
محلاته مثل نسمه
جماله جماله
اثنين بگلب واحد واجمل اثنين
محمد سيد الرحمه وابو حسين
نور وجـهـا دنيـانـه
يله فرحو ويـانـه
نبينه - نبينه - نبينه
——
نبـينـه الـيله ميـلاده
فرحه نهدي للـساده
الضايج ياخذ امراده
فرحنه - فرحنه
فرحه واحلى مـابيـها
الحيدر علي نهديهـا
اتصيح الدنيا والبيها
فرحنه فرحنه
ميلاد النبي هذا احلى ميلاد
عيد ايصير اجمل من الاعياد
الغافل عنه گولوله
خل انسمعه هلهوله
نبينه نبينه نبينه
—-
صاح الگمر هنياله
وجها عله الشمس لاله
طه ربنه سواله
محبه محبه
الله يحبه ويقدره
اليحب ينطي المحب زهره
منها اتفرعت عتره
محبه محبه
الله انطانه نعمه العتره ياناس
هذا اجمل شعور واجمل احساس
من يوالي النبي وألـه
الموالي الدنيا تحلاله
نبينه نبينه
——
كلمة ياعلي نعمه
لكن للبعض صدمه
اچفوفه توصل النجمه
اليحبه اليحبه
ماكو كل فرق بينه
وبين النبي هادينه
اغله اثنين حبينه
اليحبه. اليحبه
الورد يذكر علي لو چان ذبلان
يرد يكبر محنه وينطي الوان
اليذكر حيدر بصوته
يحضر قبل تابوته
نبينه نبينه نبينه
#حيدر العماري