تخيل إنك صاحب موقع WordPress وربطه بنظام التسجيل الموحد (SSO) عشان الموظفين يدخلوا بحسابات الشركة، وفجأة تكتشف إن المهاجمين داخلين على لوحة التحكم بصلاحيات Admin كاملة من غير ما يحتاجوا يكتبوا الباسورد أو يكتبوا حتى اليوزر نيم!
ده اللي بيحصل حالياً بعد كشف هجمات منظمة بتستهدف ثغرتين خطيرتين من نوع Authentication Bypass في إضافة miniOrange SAML 2.0 SSO الشهيرة على ووردبريس، والنتيجة إن المهاجم بيقدر يزور استجابات الـ SAML ويسجل دخوله فوراً كـ Admin على الموقع.
الخدعة التقنية هنا بتعتمد على دمج ثغرتين (CVE-2026-61979 و CVE-2026-15981)؛ الإضافة بتسمح للمهاجم يغير خوارزمية التوقيع لـ HMAC-SHA1 بدلاً من المعتمدة، فتجبر النظام يعامل الـ Public Key الخاص بمزود الهوية كأنه المفتاح السري، وده بيخليه يقدر يزور توقيع مقبول، ده غير إن الثغرة الثانية بتخلي النظام يعتبر أخطاء التحقق من شهادة OpenSSL كأنها عملية ناجحة!
المشكلة الأكبر إن الشركة لما نزلت التحديثات والأمان في يوليو، أعلنت عن الإصدار المجاني بس وما نبهتش أصحاب النسخ المدفوعة، ففضل ناس كتير على النسخ القديمة المشكوك فيها، وحالياً المهاجمين شغالين مسح وفحص آلي استغلالاً للـ PoC المتاح أونلاين، وعشان كده مايكروسوفت وPatchstack بيبنوا إن أصحاب المواقع يحدّثوا الإضافة يدوياً للإصدارات الآمنة فوراً.
3
2
1August 24, 2026 364 3
