10قصيده للام {{ شلون بيه }} 💔
اهديها قصيده للزهراء عليها السلام
شلون بيه اخلاف عينج يم هله
شرد المها اتريد حيل العايله
❥❥❥ـــــــــــ✿🪶✿ــــــــــــ❥❥❥
شلون بيه يالمشيتي المگبره
اخلاف عينج عايلتنه امطشره
لاني المها ولا اني اگولن معذره
بيتج العفتيه چا ياهو الاله
شلون بيه اخلاف عينج يم هله
❥❥❥ـــــــــــ✿🪶✿ــــــــــــ❥❥❥
تون عليه الدار لو سمعتني اون
يالحنينه ويالمعلمتني احن
خلاف وجهج لايگ اعليه الحزن
بعيني رسمج والمدامع هامله
شلون بيه اخلاف عينج يم هله
❥❥❥ـــــــــــ✿🪶✿ــــــــــــ❥❥❥
بعيني رسمج اخ يمه وضحكتج
منين اجيبن حيل تكتل فرگتج
تعمي عيني يالحبيبه غرفتج
روحي من ضيم الفراگ معلعله
شلون بيه اخلاف عينج يم هله
❥❥❥ـــــــــــ✿🪶✿ــــــــــــ❥❥❥
روحي من ضيم الفراگ تعذبت
مثل حنيتج عليها ما لگت
حگها عيني تريد عينج لو بجت
منين اجيبج وانه روحي ناحله
شلون بيه اخلاف عينج يم هله
❥❥❥ـــــــــــ✿🪶✿ــــــــــــ❥❥❥
گمت اباوع عله مجانج شو خلي
ابليل من انحب واريدج ياهو الي
انسى عود ايامنه لا ووعلي
راح اضل وجهج بصفي اتخيله
شلون بيه اخلاف عينج يم هله
❥❥❥ـــــــــــ✿🪶✿ــــــــــــ❥❥❥
#الشاعرة هاجر الزينبية
لا اجيز الحذف او التلاعب بالكلام❌
https://t.me/HH_7W15
