1_
هلا بهذا الحچي كله الصايغه
يبو لسان الگطر علم النـــابغه
أرواح يافريس منك شايغه
يابو حجه الواضحه والدامغه
..
جـنهـا خيولهـم عالت
يـم خيامـكـم مـالـت
شيل الخيل ـ مثل السيل
ذبــها إعـلـنهـر كلهـا
ماتنشاف من تهب
تعجب بلگا وترهب
بدي الگوم ـ هذا اليوم
ضب احبالها وحلها
مثل العگل ع الهامه جلمـتك
گبت علي ومو هينه طيحتك
أمك شنو ومن شنهي سوتك
يمكن نوت تگضيــهـا ودتــك
{السلام عليك ياحامل اللواء}
2_
برگابهم فز ويـمـرحـب سيفـك
مـثـل ما أنـتـه تـهلـي بضيفـك
النار بيدك وانته مشي بكيفك
الله هوه يريـد تاخـذ حـيفـك
....
ياعز ياوريث العز
انته بروسهم مرعز
فوگ الهام-بالصمصام
طبر روسهم طبر
إمجدم ع العرب كلها
ومـو تـاليـهـا بـولـهــا
بالجدام- شيخ العام
السيد يامر ويبشر
...
بـزغـرك گـبـل مـالمـك المهـد
فگره الوعد وأخلفلك الوعد
هامت مضر والهيبه من معد
يالـهـاشمـي شـيـهمـك الـعدد
{السلام عليك ياحامل اللواء}
3_
الك ثـايـه والك دلـه ومـنسـف
يترس الشاطي جبينك لو جف
بـ الله حلفك وآنه بيـك محلف
بـيرغك يگضي عساكـر لو رف
...
إمـأصـل يامصلصل صـل
تگضي الكلفه من تجبل
كثر الجيش ـ عندك گيش
تگضي وتطلب أچماله
بالجعجاع - يمجعـجـع
إبضيج النايبه اتفـرع
يا سردال ـ يالزحـال
إمعثر الجيش بخياله
...
إعلكبر بشر وحجايتك مشت
والخايفه إبنص دارك أمنت
هدمك ستر وعمامتك بخت
إبيمنك بدت اوبيسارك انتهت
{السلام عليك ياحامل اللواء}
4_
هـلا بالـوالـده قـصة بـالـي
هـلا بـبن العالي من العالي
رخصت الدنيه إوفائك غالي
نعمه من عينك تراعي أمثالي
...
اهلك علبشر ساده
ركن الدين واوتاده
ها ياطود - وشبل العود
يامردم جحافلها
..
وانته إعللخگ سيد
عز الهاشم مشيد
ماكو إمجان - للعربان
من تجبل تزلزلها
....
سد الدرب والعايل ابتله
شگ النهر ياموسى كربله
بجفك علي السطراته معضله
توح الرگب ع الشاطي والفله
.
{السلام عليك ياحامل اللواء}
...
5_
وادم التشفي الغليل بضهرك
وانته طالع للمنيه بكبرك
ياهو اليردك وياهو يگدرك
يالبلكل ديوان هيبه اصورك
...
علمك واصل وعابر
من گلك هل من ناصر
دست الروس- ياكابوس
حل بطيف كل عايل
إمعذي اللايذه بسدك
ياهو المثلك وگدك
ياسم سام...شنهي الشام
واختك والضعن مايل
ماع الرمح من راسك اعتله
وفز وانجوه البيدينه شايله
هذا العتم غيرك شنو اله
گمر گمر يمضوي كربله
سيد حيدر الغياض
