احنا انتهينا وردا ما ردلها .
بس للأمانة هواي مشتاقلها .
مو حلوة نتلاكة وندنك وتروح .
ويكوم كلشي بداخلي يصيحلها .
بودي اوكفها احجيلها هواي أشياء
ويلزمني عقلي يكلي شتكللها .
ماسد مسدها الإحن منها وضليت .
سدت مكاني ابيش اريد اسئلها .
امنيتي اكلها فراشي بي دم مانام .
يوميه بليل امنياتي اكتلها .
بكل صفنه تعرضلي واضل اسئل ليش
هالمرة حتى تطيب شنحطلها .
معقولة هاي اللا مبالاة وياي ؟
امنيتي هاللا مبالاة اوصلها ؟