5
لو رجع بيه العمر ألف مرة بكل مرة راح أختارك أنتَ مو لأن ماكو غيرك، لا لأن گلبي عرفك واختارك وارتاح الك وبعد ما ارتاح الك ما عاد شاف أحد يستحق مكانك،
أنت مو مجرد شخص أحبه أنت شخص أتمنى اله الخير حتى بالأيام اللي ما أكون بيها قريب منه وأتمنى اله السعادة حتى لو ما چنت أني سببها،
وأريدك تعرف إنتَ غالي بالنسبة الي وغلاك مو بس كلام ينكال وينتهي ، غلاك شي ثابت بگلبي وكل يوم يمر يزيدني يقين إنُ بعض الناس ما يجون بحياتنا صدفة يجون علمود يتركون أثر ما يروح،
فإذا بيوم شكيت بمكانتك عندي تذكر إنُ الك گلب يدعي الك بصمت، ويخاف عليك من الحزن، ويفرح لفرحك ويتمنى الك من الخير أضعاف اللي يتمناه لنفسه،
وأنتَ بالذات، لو چان الي اختيار واحد بكل أعمار الدنيا اختارك أنت وكل مرة، وكل عمر وكل بداية لأنك ببساطة الشخص اللي تمنيت ما يكون عابر وأتمنى يظل أجمل شيء ثابت بـأيامي 🤎.
