دنياك تمشي على حدرى ومستنه
لو شفتها يوم تضحك لك وفنانه
كم واحد ظن فيها واخلفت ظنه
خداعتن ماعليها مزح وميانه
تشوف فيها الغني مبسوط لاكنه
لو قل ماله فقد ربعه وصدقانه
ورجال يصبر لو الايام ضدنه
ورجلن ليا ناشته قرقع بقدحانه
والعز لنفس واجب والحيا سنه
وانا يديني من الثنتين مليانه
اعز نفسي لون الوقت لونه
ماني بثورن يلف الزرع بلسانه
ابدي شعور السعاده واخفي الونه
حتى ولو الدهر بي مال ميزانه
ورزقي على اللي ليعطى شي مامنه
والا يدين العرب تعطي ومنانه
وان شحو الخلق ربي يعطي الجنه
مايغني الاكريم الوجه سبحانه
واللي يحاول يدين الناس يغننه
يعيش عيشة تحري مالها غانه
