Talaba

Jahonda bizni ulug‘ ajdodlarimizning kashfiyotlari va bunyodkorliklari bilan yaxshi tanishardi, endi yoshlarimizning ilm-fan, sport, ijod va san’atdagi yutuqlari ham tillardan tillarga ko‘chyapti. Ularga yuzlanib, “Uchinchi Renessans to‘lqinini qarshi oling!” degingiz keladi. Shuning barobarida, boshlangan ezgu jarayonni jadalroq davom ettirish burchi ham eng ustuvor vazifa sifatida ahamiyat kasb etmoqda.

Shu yil iyundan boshlab “O‘zbekiston – iste’dodlar zamini” (Uzbekistan: Land of Talents) yoshlar harakatiga start berilmoqda. Harakatning ilk loyihasi sifatida, 5-10 iyun kunlari, O‘zbekiston Milliy kutubxonasi old maydonida ommaviy tadbirlar o‘tkaziladi.

Tadbirlarning markaziy voqeasi – 5-iyun kuni Abu-Dabida o‘tadigan BAA-O‘zbekiston hamda 10-iyundagi O‘zbekiston-Qatar o‘yinlaridir. O‘zbekiston milliy terma jamoasining JCH-2026 ga chiqishida hal qiluvchi ahamiyatga ega bo‘lgan ushbu o‘yinlar 9 qavatli bino balandligiga teng bo‘lgan katta ekranlarda namoyish qilinadi. Ommaviy tadbirlar nafaqat futbol tomoshasini, balki ochiq osmon ostidagi konsert dasturi va motivasion shoularni ham o‘z ichiga olgan. Mazkur loyihada 100 mingdan ortiq yoshlar (16 yoshdan 40 yoshgacha) qatnashishi kutilmoqda.

“O‘zbekiston – iste’dodlar zamini” yoshlarni umumiy vatanparvarlik g‘oyasi ostida birlashtiradi, ularga yuksak natijalar sari intilishga rag‘bat beradi. Zero, ertamiz egalarini jahonshumul maqsadlar bilan yashashi, faoliyat olib borishi uchun ilhomlantirish va imkoniyatlar yaratish Prezidentimiz Shavkat Mirziyoyev olib borayotgan siyosatlarining asosiy mezonidir!

Respublikamizning turli oliy o‘quv yurtlaridan eng zukko, eng bilimdon talabalar bir sahnada to‘qnash keladi. Ingliz tilida mantiq, nutq mahorati va bilim bellashuviga tayyormisiz?

Agar siz, yetakchilik qobiliyatingizni rivojlantirish , jamoaviy ko'nikmalaringizni kuchaytirish, hamda tanqidiy fikrlashni shakillantirmoqchi bo'lsangiz, bu imkoniyat aynan siz uchun!

Nega ishtirok etishingiz kerak?

Jamoaviy ishlash - Yetakchi bo‘lish, fikrlarni uyg‘unlashtirish va ishonch bilan taqdim etishni o‘rganasiz.

Networking - Turli universitetlardan kelgan bilimdon yoshlar bilan tanishish, tajriba almashish va kelajakdagi hamkorliklar uchun zamin yaratasiz.

Yangi tajriba - o'z mahoratlaringizni namoyon qilish hamda yangi tajriba ortirish uchun imkoniyat.

“Talabalar festivali” doirasida joriy yilning 8-may sanasidan boshlab oliy ta’lim muassasalarida talabalar o‘rtasida “Jismoniy tayyorgarlik darajasi” sport sinovlariga start beriladi. Ushbu sinovlarda ishtirok etib, o‘z kuchingiz, tezligingiz, chidamliligingiz, egiluvchanligingiz va chaqqonligingizni sinab ko‘rish imkoniyatiga ega bo‘lasiz.