تجربتي مع اللوكال السوداني - الجراحه العامه
في البداية ما كنت ناوي اخش الامتحان لانو في تقريبا شهرين وحاجه للامتحان وانا مبنقل وما لقيت يسد لي ولقيت زول وما باقي للامتحان الا شهرين الا حاجه بسيطة توكلت وجيت عطبرة وعارف نفسي ما حالقي زول يقرا معاي لانو معظم الناس بدت قبل فتره أطول وحتي أتذكر ضربت لي واحد زميلنا الله يحفظه يا رب وقلت ليهو القرايه كيف قال والله احنا بدينا وما نقدر ندخلك معانا قلت انا أصلا حالخبطكبم بس وريني الماتيريل والريكولز جزاه الله خيرا رسلا لي ولاقيت الله يحفئو يت رب قلت ليهو ممتحن الفيرست بارت قال ما مشكله جرب انت لو داير تبدا هسي ما فرصه كبيره للنجاح انا كنت متفائل وقلت ليهو ان شاء الله بنجح وبجي اشرب معاك جبنه هنا ان شاء الله ، بديت اقرا بديت بي فيديوهات اكلاند وحقيقه استفدت منها كتير في الفهم العام والمراجعه السريعه وبعداك بديت اقرا BRS بتاع الاناتومي لقيتهو ما ماشي تاني مشيت مستشفي الشرطة عطبره وبالصدفه لقيت اصحابنا بقروا جراحه استذنت منهم ابدا معاهم وانو هم بدوا قبلي وهسمعهم عشان ما اكون بلخبط خطتهم ورحبوا شديد الصراحة وانا ممتن جدا للشباب مصعب وعمر ومحمد المعتصم واحمد الطيب وابوبكر جزاهم الله خير الجزاء وبدينا نقرا وتفاصيل القصه طويله لكن عشان ما امعطكم حاختصر النقاط المهمه الكانت سبب في النجاح في الجزء الأول علها تنفع من بعدنا ان شاء الله
1. ختينا استراجيه توحيد المصدر انو كلنا نقرا منو ولو في حاجه صعبه كل واحد يشرحها بي طريقتو والطريقه الاسهل بنمشي بي ها كلنا .
2. فرغنا نفسنا تماما للقرايه تقريبا 16 ساعه في لو ما اخاف الكضب وكنا بنوم في المستشفي ومنشكرا دكتور المدير الطبي مسشتفي الشرطه ادانا مكتبو ما قصر .
3. ماكان عندنا خيار نقرا وبعدين نحل فا بقينا نقرا ونحل بنوك اسئله كانت مفيده جدا انو حتي القرايه بنحولها لي اسئله زي البنوك بتاعت الاسئله ونسال منها بعضنا في اي حته لو في زول ماشي الحمام اكرمكم الله .
4. كان اليوم مقسم الصباح للعصر قرايه لي توبيكات كبيره والعصر لين الساعه 12 صباح حل اسئله وما بننسي الجبنه واكياس الشيبس ما قصرت معانا نهائي
5. قبل الامتحان بي اربعه أيام هدنا القرايه وبقينا نحاول نسترخي ونجهز للسفر لانو مفروض نمشي من عطبره للدويم عشان نمتحن
6. أخيرا المصادر القرينا منها
a. الاناتومي BRS , Teach me Anatomy , Acland videos , وانا براي كده Grays Anatomy
b. الفسيوولجي اكتفينا بي كور وتمينا الباقي بنك اسئله
c. الباثولوجي باثوما باثووووما باثوووما واهم شي المقدمه بتاعت Pretest
d. بالنسبه لبنوك الاسئله اعتمدنا علي اسئله الكتب و Prestest pastetst ,والريكولات وبرضو أتذكر امتحانات الMRCS وكان في تطبيق surgx وقف معانا وقفه رجال وتطبيق تاني بتاع امتحانات رابطوا تحت
https://smsb-ishag.web.app/?fbclid=Iwb21leAQ2aFhjbGNrBDZoVGV4dG4DYWVtAjExAHNydGMGYXBwX2lkDDM1MDY4NTUzMTcyOAABHimj1Pj8fRGr43PDK6nICNbwhziNITWP516fk6GwWwE5grIpmK9negD8lFMM_aem_bxIORRWk-vWSVpTt4m_FVg
الداير واعذروني لو طولت اصلو ما في متوقع انت بس اعمل العليك كل شي ممكن ولحدي ما لاقيت المستر للجبنه ان شاء الله نتلاقي قريب
انا ممتن جدا للشباب اللي فيس الصوره ديل
وفي الاخر اخر دعوانا ان الحمد لله رب العالمين
#منقول
