Biz sezmagan jazolar
Bir odam solih kishilardan birining oldilariga kelib:
- Har bir gunoh uchun jazo bor deb eshitganman. Men Allohga koʻp gunohu maʼsiyat qilganman, lekin, hech jazolamadi-yu? - dedi.
Solih kishi:
-Ey, oʻgʻlim! Balki Alloh sen oʻzing bilmagan holatda jazolab boʻlgandir!- deb javob qildilar.
Boyagi kishi “Qanaqasiga?!” deya taajjublandi.
Solih odam:
- Seni gunoh-maʼsiyatlardan lazzat oladigan qilib qoʻymadimi?!
- Qurʼon tilovatisiz haftalar, oylarni oʻtkazib yuboradigan qilmadimi?!
- Qanchadan-qancha tunlarda qoim boʻlishdan mahrum etmadimi?!
- Tilingni zikrdan toʻsib qoʻymadimi?!
- Seni mansabparast, dunyoga mehr qoʻygan, puldan oʻzgani sevmaydigan qilib qoʻymadimi?!
- Toat-ibodatlarni sen uchun ogʻir qilib qoʻymadimi?!
- Tilingga gʻiybat, chaqimchilik, yolgʻonni oson qilib qoʻymadimi?!
- Oxiratni unuttirib, dunyoni eng ulkan tashvishing qilib qoʻymadimi?!
Mana shu xorliklarning barchasi, Allohning sen sezmagan jazolaridir, - deb javob berdilar.
@firdavslik
