🚨Mid round الباطنة🚨
مساء الخير يا شباب اخباركم ايه
حبيت اتكلم عن الامتحان بدرى شوية عن معاده عشان احطلك كذا اوبشن و تشوف انهى يريحك ، هو تقريباً بيبقى على السبيشال الرابع عندكم.
الامتحان ٣٠ درجة على حالتين كل حالة ب ١٥ درجة
فى الاغلب الامتحان local examination و discussion و فى اغلب الوحدات بيقولوا مفيش هيستورى بس اتأكدوا منهم برضو قبلها.
هذاكر ازاى للامتحان ده ؟ 📝
قدامك ٣ اختيارات :-
أولاً: انك تخلص الكلينيكال كله بسرعة كروكى كدا بإنك تسمع علام نظرى العملى لكل الكلينيكال او للى فاضلك فى الكلينكال بإعتبار ان فيه سبيشلات لسا معدتش عليها و تفهم الدنيا بشكل عام و لكن مش هيبقى حفظ ١٠٠٪ كويس طبعاً و هتوقع شوية فى النظرى بسبب الوقت.
و تراجع الكلينيكال من ملزمتين made easy واحدة تراجع منها الكلينيكال الشرح و ال steps بتاعت كل حاجة و الحمدلله مش ناقصة معلومات ولكن مرتبالك الدنيا و التانية ال Q&A تراجع منها اسئلة ال discussion هتلاقى فيها كل مصادر الاسئلة متجمعة فيها ف متتعبش نفسك و تشوف من اى مصدر تاني .
ثانياً: انك من حضورك للوحدة او نزولك للكورس تكون عديت على حالات كتير ف يدوب بس هتراجع من ملزمتين made easy ال items بتاعت ال examination و اسئلة ال discussion و دى حاسسها احسن عشان ميبقاش ضيعت وقت كبير و وفرته للنظرى لان كمان الامتحان ده صغير بصراحة.
ثالثاً: انك تعمل اى اوبشن من الاتنين دول على كتاب كلينيكال دكتور علام بس + ملزمة اسئلة دكتور اشرف زكى.
نصائح سريعة كدا : 🚨
الامتحان ده معتمد على انك تراجع ال steps اكتر من تشوف الحالات ف لو انت مثلا مش بتاخد كورس ممكن تطبق على حد من اهلك فى البيت او مع اصحابك و تخلى مثلا اللف على الحالات انك تسمع ال heart sounds و ال breath sounds و ليلة الامتحان مثلا او قبلها بيومين اعرف الحالات المحجوزة فى وحدتك و خلاص.
و الهيستورى لو أكدوا انه مفيش متراجعهوش لو مأكدوش و قالوا ممكن ييجى ابقى راجعه بسرعة كدا لان اصلا وقت الامتحان مش هيخليك تاخد full sheet أساساً.
هل محتاج اراجع نظرى؟
من رأيي لا مش لازم هو اسئلة ال discussion بتبقى clinically related زى الى فى ملزمة ال Q&A مبتخرجش عنها ان شاء الله.
و لكن لو حابب زيادة حرص و خلاص ابقى راجع على المواضيع الاساسية زى ال COPD و ال BA و ال cirrhosis و ال Valvular diseases و ال Hemiplegia & Paraplegia و ال CKD بس اصلا هتلاقى كلنا معدناش على كل الكتب دى قبل كدا.
انا كنت وحدة دكتور هالة كحلة و الدكاترة اغلبها كويس ما عدا دكتور واحد غالباً على دلوقتى هتكونوا سمعتوا عنه و تجنبوا تدخلوله😂 و لكن بجد معظم الدكاترة حلوين اوى و دكتور هالة كحلة من احلى دكاترة الباطنة الى هتتعامل معاهم.
الامتحان بسيط و لطيف جداً ان شاء الله و اغلبنا بيخرج مبسوط، ده بيبقى اول امتحان كلينيكال فعّلى ليك فى السنة عشان كدا بتبقى متوتر و لكن بعد كدا بتلاقى الموضوع بسيط جدا ان شاء الله.
و بس كدا ربنا يوفقكم ♥️
