❤️ ለፍቅር❤️
❤️ልብ አንጠልጣይ ታሪክ❤️
ክፍል 16
አንድ ቀን ቀኑን ሙሉ አብረው ውለው ወደ ቤቷ እየሸኛት እያለ ሁሌም ሲሸኛት መጨረሻ ቆመው የሚያወሩበት ቦታ ላይ ሲደርሱ ፊት ለፊቷ ቆመና
" ለምንድን ነው ግን ይሄን ሁሉ የምታደርጊልኝ ? " አላት
" ለፍቅር ስል ስለማፈቅርህ ብቻ "
"ለምን ታፈቅሪኛለሽ ? "
" እኔጃ አላውቅም ምናልባት ቀጫጫ ስለሆንክ " ሁለቱም ሳቁ ።
" እኔም እኮ አፈቅርሻለሁ ግን..." ብሎ ሊቀጥል ሲል ጠቋሚ ጣቷን ከንፈሩ ላይ ጫን አደረገችና
" ግን እንድትለኝ አልፈልግም ግን አፍራሽ ነው ዝም ብለህ አፍቅረኝ " አለችው ወደ ጆሮው ተጠግታ በማንሾካሾክ ። በእሽታ ራሱን ሽቅብ ቁልቁል ናጠ ጣቷን ከከንፈሩ ላይ አነሳችለት ። እሱ ግን አልፈልገም ነበር ጣቷ ከንፈሩ ላይ ቢቆይ ደስ ባለው ነበር ።
ደንገዝገዝ ያለው ምሽት ሰው በአካባቢያቸው እንዳይኖር አድርጎታል ። ድንገት አይኗ ከአይኑ አልነቀል አለ ። የሁለታቸውም አይን ውስጣቸውን አጉልቶ ያሳያል ። አይናቸው ፍቅር ይረጫል ሁለቱም በፍቅር መንደዳቸው አይናቸው ያሳብቅባቸዋል ። ጠጋ ብላ ከንፈሩን በስሱ ከሳመችው በኋላ " ደህና እደርልኝ የኔ ፍቅር የነገ ሰው ይበለን " ብላው ወደ ቤቷ ሄደች ።
ሰለሞን አፉን ከፍቶ ከኋላዋ ሸኛት ። የግቢው በር ተከፍቶላት እስክትገባ ሲያያት ቆየና እሱም ወደ ቤቱ ተመለሰ ።
በበነጋታው ከትምህርቷ ተመለሰችና ለብሳው የዋለችውን ዩኒፎርሟን ቀየራ ወደ ሰለሞን ልትሄድ ስትል ፡ ቁጭ ብሎ ዜና እያየ የነበረው አባቷ ሂሩት ልትወጣ መሆኑን ሲያውቅ ቀና ብሎ አየና
" ወዴት ነው ? " አላት በነጎድጓዳ ድምፁ
" ከጓደኛየ ከትዕግስት ነው " አለች እየፈራች
" ኧረ እባክሽ ! የማላውቅ ይመስላችኋል ?" ወደ ሚስቱ ጭምር እየተመለከተ " በእናንተ ቤት እኔ ሞኝ ነኝ አይደል ? ሁሉንም ነገር አውቃለሁ "
እናት እና ልጅ አይን ለአይን ተያዩ ስላወቀ ደንግጠዋል ።
" ሁሌም ከእሱ ጋር እንደምትውይ ደርሼበታለሁ " ስለዚህ የምትወጂው ከሆነ ከእሱ ራቂ " ብሎ ትዕዛዝ ሰጣት ። እናቷ አባቷን ምርጫዋን እንዲያከብር ልታግባባው ብትሞክርም በጭራሽ እሽ አልላት አለ ። ጭራሽ የሂሩት እንዲህ መሆን የአንቺ እጅ አለበት ብሏት አረፈ ። " አንቺ ፊት ስለሰጠሻት ነው የባለገች " አላት ።
ሂሩት ከሰለሞን መሄዱን ተወችና በአባቷ ንግግር ስታለቅስ አመሸች ። በተለይ ደሞ " የምትወጂው ከሆነ ከእሱ ራቂ " ያላትን ስታስበው በፍርሃት ትናጥ ጀመር ። ሰለሞንን ካልራቀችው አባቷ አንድ ነገር እንደሚያደርገው ከአነጋገሩ ተረድታለች ። አንድም ቀን ስለ እራሷ አስባ አታውቅም ። ስለ ሰለሞን ብቻ ነበር የምታስብ ።
እራት የሚባል ነገር በአፏ ሳይዞር እስከ እኩለ ሌሊት ስታለቅስ አመሸችና ለቅሶ ያደከመው አካሏ እንቅልፍ ይዞታ አሸለበ ።
ሰለሞን ስራ ውሎ በማታ ወደ ቤቱ ሲሄድ አባቷ አገኘውና " ልጄን ለምን አፈቅርካት ? "ብሎ በንዴት ያን ቀጭን አንገቱን በፈርጣማ እጁ አንቆ ብድግ አደረገው ። እግሩ ተንጠለጠለ እግሩ ሲወራጭ አይኑ ሲፈጥ ቆየና መጨረሻ ላይ ፀጥ እንዳለ ፡ ሂሩት ከእንቅልፏ ብንን ብላ ተነሳች
በስመአብ ወወልድ ወመንፈስ ቅዱስ አለች እያማተበች ። መላ አካሏ በላበት ተጠምቋል ። የለበሰችው ቢጃማ በላበት የተነሳ በስብሷል ። ቁና ቁና እየተነፈሰች .......ህልም እልም ! .... ህልም እልም ! አለች እየተርበተበተች
ከትርሷ ከፍ ብሎ ወደ ተሰቀለው የድንግል ማርያም ስዕል አድኖ ዞረችና ተደፍታ እያለቀሰች ፀለየች ።
በድጋሜ ክፉ ህልም አያለሁ ብላ ፈርታ ስለነበር መልሳ አልተኛችም ነበር..........
.
.
.
.
.
.
ይቀጥላል
ክፍል 17
