إجمالاً أنا كُنت إنسان مُتوازن -نوعاً ما- بموضوع الفراق في العلاقات، بمعنى اني مكنتش كثير بتأثر بقصة فراق حدا لاني هيك هيك من جوا طول عمري عايش لحالي
بس للأمانة؟ من بعد ما توفى أبوي واخوي هالخُصلة تعمقت أكثر لدرجة انه صدقاً بطل يفرق معي وجود أو غياب حدا
ومش قصدي بالمعنى السلبي بمعنى إني إنسان بحفظش العِشرة لأ، بس شعوري من جوا صار دوماً صفر مع الجميع، أنا من جوا بطلت قادر أشعر بقيمة فراق حدا فعلاً واللي موجود اليوم عادي جداً لو بكرا بطل موجود
يعني بإختصار قبل كان كله محصل بعضه واليوم صار كله محصل بعضه جداً.
1June 11, 2026 259 3
