زمان كنت بتعب جدًا لما أحس إن حد فاهمني غلط، أو واخد عنّي فكرة مش حقيقية، أو زعلان منّي؛ وكنت ببذل مجهود كبير علشان أبرّر موقفي وأغيّر الصورة اللي في دماغه ..
لكن مع الوقت فهمت إن اللي نيّته يفهمك صح، هيشوف حقيقتك حتى لو معرفتش تشرح؛ واللي قررّ يفهمك غلط، مش هتغيّر رأيه مهما قولت ومهما عملت ..
وعرفت كمان إن مش لازم أعيش طول الوقت بدافع عن نفسي أو أثبت للناس أنا مين، اللي يعرفك بجد هيقدّرك، واللي مش عايز يشوف غير اللي في دماغه، سيبه لرأيه ..
في الآخر، عيش بالطريقة اللي ترضيك وترضي ضميرك، وسيب قلوب الناس وأحكامهم لربنا، لأنه هو وحده اللي عارف الحقيقة كلها وشايف الصورة كاملة.
1July 24, 2026 164 3
