Einfach

Hisob-kitoblarga ko‘ra, yarim yil davomida mamlakatda har kuni o‘rtacha 510 ta yangi oila tashkil topgan, 137 ta oila esa ajrashgan.
Bu raqamlarni “har to‘rtinchi yangi oila buzilmoqda” deb talqin qilish ilmiy jihatdan noto‘g‘ri. Chunki shu yil qayd etilgan ajrimlar aynan shu davrda tuzilgan nikohlarga tegishli emas. Ayrim oilalar bir necha oy, boshqalari esa o‘nlab yil birga yashaganidan keyin ajrashgan bo‘lishi mumkin.

Shunga qaramay, nikohlar kamayib, ajrimlar ko‘payayotgani oilaviy munosabatlardagi muammolarni chuqurroq o‘rganish zarurligini ko‘rsatadi. Ajrimni faqat er yoki xotinning aybi bilan tushuntirish yetarli emas. Oilaning buzilishiga iqtisodiy bosim, uy-joy muammosi, mehnat migratsiyasi, oilaviy hayotga tayyor emaslik, muloqot yetishmasligi, qarindoshlarning ortiqcha aralashuvi va zo‘ravonlik kabi omillar turli darajada ta’sir qilishi mumkin.