Assalom alaykum 6 oyda ingliz tilini o’rganib qo’yaman deb niyat qilib qo’ygan aziz obunachilar.
Shu desangiz, kecha damasda ketayotganimda, damaschi aka qayerda ishlaysiz deb qoldilar. O’quv markazda ingliz tilidan dars beraman dedim. O’zi shu ingliz tilini nechi oyda o’rgansa bo’ladi deb so’rab qoldilar. Ularga javob bergach, shu savolga “obshiy” qilib javob yozishim kerak o’yladim. Qani ketdik:
⏳ Ingliz tilini necha oyda o‘rgansa bo‘ladi?
To‘g‘ri javob: OYDA EMAS, SOATLARDA!
Ko‘pchilikning eng katta xatosi — til o‘rganishni kalendarga qarab o‘lchashidir.
"Men 6 oydan beri o‘qiyapman, nega natija yo‘q?" — deydi ba'zilar.
Keling, matematikani ishga solamiz. 🧮
Sizningcha, qaysi biri ko‘proq o‘rgandi?
👤 A o‘quvchi: 6 oy davomida haftada 2 marta 1 soatdan darsga keldi (Uy vazifasi qilmadi).
👉 Jami: ~48 soat.
👤 B o‘quvchi: Faqat 2 oy davomida har kuni 2 soatdan shug‘ullandi.
👉 Jami: ~120 soat.
Natija: B o‘quvchi 2 oyda A o‘quvchining 6 oylik yo‘lini bosib o‘tdi va undan 3 barobar o‘zib ketdi!
Nega soat bilan o‘lchash muhim? 🧐
Til o‘rganish bu — miyaga "investitsiya" kiritish. Siz miyangizni ingliz tili bilan qancha ko‘p va intensiv to‘yintirsangiz, u shuncha tez "gapira" boshlaydi.
🔹 Cambridge va Oxford standartlari nima deydi?
Har bir darajani (Level) oshirish uchun o‘rtacha 100-150 soat faol mehnat kerak. Agar siz haftada bor-yo‘g‘i 3 soat shug‘ullansangiz, bir darajadan ikkinchisiga o‘tish uchun sizga 1 yil kerak bo‘ladi. Agar kuniga 2 soat ajratsangiz — atigi 2 oy!
Xulosa: Ustozingizdan "Qachon o‘rganaman?" deb so‘rashni to‘xtating. O‘zingizdan so‘rang: "Men shu haftada necha soat ingliz tili bilan yashadim?"
Lug‘at yodlash, listening qilish, kino ko‘rish — bularning hammasi o‘sha "oltin soatlar" hisobiga yoziladi.
🏗 Poydevoringizni kalendar bilan emas, mehnat soatlari bilan quring!
Siz haftasiga necha soat ingliz tili uchun vaqt ajratyapsiz? Rostini ayting... 👇
Oxirigacha o’qidim - 😍
@English_excellency kanali sizga eng yaxshisini ravo ko’radi!
8
2August 12, 2026 253 2
