እምየ ተዋሕዶ ሚዲያ - Emye Tewahedo Media (@emyetewahd) — Telegram — TG.ME

እምየ ተዋሕዶ ሚዲያ - Emye Tewahedo Media (@emyetewahd) — Telegram — TG.ME

አባ ታደሰ መኮንን ይባላሉ፤ በወለጋ በአረመኔ ወታደሮች በግፍ የተገደሉ ናቸው። ገዳዮቹ እሳቸውን ለማዋረድና ለተመልካች መልእክት ለማስተላለፍ በማሰብ ድርጊቱን በቪዲዮ እየቀረጹ ተሳልቀውባቸዋል። ካህናትና የሃይማኖት አባቶች በማኅበረሰቡ ውስጥ ሰላምን፣ ፍቅርንና መተሳሰብን የሚያስተምሩ፣ እግዚአብሔርንና ሰውን የሚያገናኙ የሰላም መልእክተኞች ናቸው። በእነሱ ላይ ጥቃት መፈጸም የማኅበረሰቡን የሞራል እና የመንፈሳዊ እሴት ማፍረስ ሲሆን፣ የገዳዮቹና ያስገዳዮቹ ዓላማም ይኸው የማኅበረሰቡን ሥነ ምግባርና የቤተክርስቲያንን መዋቅር ማናጋት ነው።

አቶ አንዱዓለም አራጌ “3000 ሌሊቶች” በተሰኘው መጽሐፉ የሚከተለውን ይላል፡- “አቶ ጁነዲን በመንገድ ላይ በተለይ ቄሶችን ሲያዩ በጎ አመለካከት እንዳልነበራቸውና በጠባቂዎቻቸው ፊት “ይህን እንጨት ተሸክመው” እያሉ በካህናት መስቀል ይዘባበቱ እንደነበር አጫወተን፡፡ ያስደነግጣል፡፡ የተለያዩ እምነቶች የሚኖሩባትን ኢትዮጵያን በሚኒስትርነት ያገለገለ፣ የተለያዩ እምነት ተከታዮች የሚኖሩበትን የኦሮሚያ ክልል የመራ ግለሰብ በዚህ ደረጃ በሌላው እምነት ላይ ያለ ሐፍረት ሲሳለቅ ያሳዝናል፡፡” (3000 ሌሊቶች፣ ገጽ 252፣ 2013 ዓ.ም.)። የኦሮሞ ብሔርተኞች የሆኑት ሁሉም ማለት በሚቻልበት ደረጃ፣ ከአቶ ጁነዲን በተለየ መልኩ በኦርቶዶክስ ካህናት ላይ የተለየ አመለካከት ያላቸው አይመስለኝም፡፡

ከዓመታት በፊት አቶ ጁነዲን ለኢትዮጵያ ኦርቶዶክስ ተዋሕዶ ቤተ ክርስቲያን ያላቸውን አመለካከት ስለ ካህናት ካላቸው አተያይ መረዳት ይቻላል፡፡ የኦሮሚያ ክልል ዋና መሪ ፕሬዝደንት የነበረ ሰው እንዲህ ዓይነት ደካማና የቆሸሸ አመለካከት ካለው፣ ታች ያሉት ታዛዥ ካድሬዎችና ወታደሮች ምን ዓይነት አተያይ ሊኖራቸው እንደሚችል መገመት ቀላል ነው፡፡ ከድሮ ጀምሮ ካህናትንና ክርስቲያኖችን እንዲጠሉና እንዲያሳድዱና እንዲገድሉ በፕሮፓጋንዳ የተማሩት ነው፡፡