﮼بێزار

دەبێت فێربیت چۆن خالی کۆتایی دابنێیت. گرنگ نییە ئەو کەسەی بەرامبەرت چەند لەناو دلتدا ڕەگی داکوتاوە یان چەند یادگاریت لەگەلیدا هەیە، کاتێک دەبینیت بوونی ئەو کەسە لەژیانتدا تەنها بچووککردنەوەی خۆتە بەبێ ئاوڕدانەوە بڕۆ، خۆشویستن مانای ئەوە نییە کە ببیتە قووربانی بۆ بێڕێزییەکانی کەسێکی تر، زۆر جار ئێمە بەناوی وەفا و خۆشەویستییەوە ڕێگە بەکەسانێک دەدەین بریندارمان بکەن، بەلام ڕاستییە تالەکە ئەوەیە` ئەو کەسەی بەڕاستی خۆشی بوێیت، هەرگیز ناتخاتە بارودۆخێکەوە کە تێیدا شکۆ و ڕێزی خۆت لەدەست بدەیت.. لەبیرکردن کارێکی ئاسان نییە، بەلام پێویستە. لەبیرکردنی ئەو کەسانەی کە خراپ بوون لەگەلمان تۆلەسەندنەوە نییە، بەلکو ئاشتییە لەگەل خۆمان، مەهێلە سۆزی ڕابردوو چاوت کوێر بکات لەئاست ئەو ڕاستییەی کە ئێستا دەیبینیت، ئەوەی دەست بەرداری ڕێزی تۆ دەبێت، شایەنی ئەوە نییە تەنانەت لەناو خەلکیشدا شوێنی هەبێت، مرۆڤی بەهێز  ئەو کەسەیە کە دەزانێت کەی بلێت” ناا و بە سەربەرزییەوە پشت بکاتە ئەوانەی ئازاری دەدەن، کەسێکیش خۆشی بوێی نە دلت دەشکێنێت، نە کەرامەتت ئەخاتە ژێر پرسیارەوە.

خۆ دایکیشم لەسەر حەقە مرۆڤێک چۆن ئەتوانێ 24 کاژمێر لەژورێکی تاریک و بێدەنگ لێی بکەوێ؟ خۆ ئەمە فلمە سینەماییەکان نیە ژیانی راستییە، خۆ ئەگەر بمانەوێ کەمێک لەژورێک بەتەنها خەم بخۆین و بگرین دایکمان خێرا دێت ڤیژه ڤیژ ئەنێتەوە، ئێمە هەمیشە وامانزانیوە ئارامیمان تێک ئەدات و کارێکمان پێ ئەسپێرێ، بەلام لەڕاستیدا وانیە ئەوان هەست بەدلتەنگیمان دەکەن و هەولدەدەن ئەگەر هیچیشیان پێ نەکرێت لەبیرمانی ببەنەوە، بەلام ناا ژیانی من لەو قۆناغە تێپەڕیوە ئەسلەن وەکو ڕۆتینێکی ڕۆژانەی لێهاتووە، کەس هەستی پێناکات ناویان ناوە ”تەمبەڵی“ بێ ئاگان لەڕووخانی دەروون، ماندوو و بێتاقەت لەناو ئەو هەموو قسەو قسەڵۆکانەی ناوسەرم جیالەوە فشاری خێزان و دەوروبەر ئەو شتانەی پێی نەگەشتم یاخود دەستم پێنەگەشت.. هەمیشه بێزارممم ئەکەنن ئەمەوێ لێیان دوورکەومەوە بەجێیان بهێلم بەلام ناکرێ، لەوانەیە زۆربەیان هەلەی خۆم بن چونکە ژیان ئەوە ناهێنێ خۆت زیندانی بکەی ئەی وانیە؟؟ هەولئەدەم خۆم کۆئەکەمەوە بەسەریا زال ئەبم، بەلام لەناکاو پڕ ئەبم توانای بەرگەگرتنم لەدەست ئەدەم و ئەگەڕێمەوە خالی سەرەتا..