مافيش رجالة بتتقمص ، مافيش راجل بيقفل التليفون في وش أي حد عشان هو مش عارف يتمالك أعصابه ، مافيش راجل بيبقى بيتقمص وياخد جمب ويكنسل وتقعدي تقوليله مالك ويقولك مافيش وعاوز حد يفضل يدادي ويحايل فيه ويتحايل عليه عشان ينطق
الرجالة بتواجه ، بتتكلم ، لتكون واضحة ، بيعرف يعمل إدارة لغضبه ، بيعرف أمتى يتكلم وأمتى يسكت ..
مافيش رجالة بتوافق إن واحدة ست تحاسبله على حاجة وهو موجود ، أو يدفعها شيء في وجوده ..
الراجل بيعيش هو والطرف الي معاه وفق ظروفه هو
ولو زوجين ، فالزوج الأصيل بيقبل مساعدة زوجته على عينه وبالغصب وهو مستحي ، مش كحق مكتسب ..
الراجل كلمته من دماغه ، هو الي بيقدر يحدد إيه المناسب وإيه الي مش مناسب ، بيشاور ويتفاهم ولكن هو الي بيقرر في النهاية ، مش بيقعد يقول أصل ماما قالت ، أصل بابا مش موافق
الراجل ما بيجيبش سيرة حد ، لو متقدملك حد ولاقتيه بيتكلم بشكل سيء عن أي واحدة ست كانت في حياته ، فأعرفي إنك هتكوني مكانها عادي ..
الراجل كلمته واحدة ، مابيغيرش كلامه كل ٥ دقائق ولا بيكذب ويحور ويعمل أفلام ومسلسلات :))
الألفاظ مش روشنة ولا هي حاجة عادية ، بنسبالي دا مؤشر سيء على سوء خلق الرجل دا ، أي راجل بيستبيح إنه يتكلم بألفاظ عشان أنا راجل ، ويكتب ألفاظ على الفيس عنده ، ولا يستحي من التلفظ بأي لفظ في حضور النساء ، فدي علامة سيئة على سوء خلق وقلة حيا ..
المسلم من سلم المسلمون من لسانه ويده
ليس المؤمن بالطعان ولا اللعان ولا الفاحش البذيء
June 3, 2026 169 8
