إحنا أوقات بنشوف حد بينزل بوست عادي، بيضحك، بيهزر، بيتكلم عن يومه،… — أَطِبَّاءٌ بِنَهْجِ النَّبِيِّﷺ. — TG.ME

إحنا أوقات بنشوف حد بينزل بوست عادي، بيضحك، بيهزر، بيتكلم عن يومه، وبيخطط لبكرة… ونفتكر إن لسه قدامه عمر طويل. لكن الحقيقة اللي الصورة دي بتفكرنا بيها إن الموت مش بيستأذن، ومش بيقول لحد استعد. أماني كانت واحدة زينا… بتنزل بوستات عادية، بتضحك وتهزر، وعندها أحلام وخطط لبكرة. وبعدها بأيام قليلة بقت مجرد ذكرى، والناس بتدعي لها. فمتأجلش التوبة. متأجلش الصلاة. متأجلش الخير. ومتضمنش إن بكرة بتاعك. قال الله تعالى: ﴿وَمَا تَدْرِي نَفْسٌ بِأَيِّ أَرْضٍ تَمُوتُ﴾ يمكن آخر بوست تنزله يكون آخر أثر ليك على الدنيا… فخلّي أثرك طيب، وكلامك طيب، وقلبك متعلق بربنا. اللهم ارحم أماني واغفر لها، وأنر قبرها، وآنس وحشتها، واجعل ما أصابها رفعةً لها وتكفيرًا لذنوبها، وارزق أهلها الصبر والسلوان. وإحنا كمان… اللهم أحسن خاتمتنا ولا تقبضنا إلا وأنت راضٍ عنا. افتكروا الموت، مش علشان نخاف من الدنيا… لكن علشان نستعد للآخرة.❤️‍🩹