🇺🇦🇷🇺 Ukrayna Silahlı Qüvvələri Liman yaxınlığındakı Rusiya çıxıntısını aradan qaldırıb - ISW Putinin Donbası ələ keçirmək planlarını qeyri-real hesab edir.
▪️ Ukrayna qüvvələri Limanın şimalındakı Rusiya çıxıntısını aradan qaldıraraq təxminən 152 kv. km ərazini yenidən nəzarətə götürüb. Son bir həftə ərzində Rusiya qoşunları əvvəlcə Nitrius çayının arxasına, daha sonra isə şərqə - Jerebets çayına doğru geri çəkilib. Ukrayna Silahlı Qüvvələri Şandriqolovo, Sredneye, Zelyonaya Dolina, Derilovo və Novomixaylovkanı, həmçinin onların arasındakı meşələrin böyük hissəsini geri qaytarıb.
▪️ Nəticədə Limanın mühasirəyə düşməsi təhlükəsi azalıb, Slavyanska təzyiq də zəifləyib. Rusiya qoşunlarının cəbhənin bu hissəsində bir ildən artıq davam edən irəliləyişi faktiki olaraq heçə enib.
▪️ Bu fonda Müharibənin Öyrənilməsi İnstitutu (ISW) Putinin Donbası ələ keçirmək planlarının cəbhədəki real vəziyyətdən uzaq olduğunu hesab edir. Avqustda Rusiya qoşunları burada orta hesabla gündə 2,36 kv. km irəliləyib. Bu temp qorunarsa, Rusiya Donetsk vilayətinin Ukraynanın nəzarətində qalan 19 faizini yalnız 2032-ci ilin oktyabrına qədər ələ keçirə bilər - ISW-nin qeyd etdiyi kimi, “əgər ümumiyyətlə bunu bacarsa”.
▪️ ISW hesab edir ki, Rusiya komandirlərinin saxta hesabatları Putində ordunun uğurları barədə şişirdilmiş təsəvvür yaradır və onun 2026-cı ilin sonunadək bütün Donetsk vilayətini ələ keçirməyin mümkün olduğuna inamını gücləndirir. Bununla yanaşı, Ukrayna Slavyansk, Kramatorsk və Drujkovkaya nəzarəti saxlamaqda davam edir, Konstantinovka uğrunda döyüşlər isə artıq bir ilə yaxındır davam edir.
#Ukrayna #Rusiya #Donbas #Liman #ISW
September 8, 2026 179
