🇮🇳📱 Hindistanın baş naziri Narendra Modi ölkənin qlobal şirkətlər yaratmaq potensialına malik olduğunu bildirib və “Make in India” təşəbbüsünün artıq dünyada güclü brendə çevrildiyini deyib.
“İndiyədək Hindistanın niyə öz qlobal konsaltinq şirkətləri yoxdur? Niyə bizim audit, hüquq və maliyyə şirkətlərimiz dünya liderlərinə çevrilməsin”, - Modi bildirib.
Onun sözlərinə görə, hindistanlı mütəxəssislər artıq dünyanın ən böyük şirkətlərinə rəhbərlik edirlər.
“Bu gün qürurla deyirik ki, hindistanlılar dünyanın aparıcı şirkətlərinin başındadır. Əgər hindistanlılar dünyanın ən böyük şirkətlərini idarə edə bilirlərsə, niyə hindistanlıların yaratdığı şirkətlər də dünyaya liderlik etməsin? Bütün bunlar mümkündür”, - baş nazir vurğulayıb.
Modi “Made in India” və “Make in India” təşəbbüslərinə qarşı səslənən tənqidlərə də toxunub.
“Bəzi insanlar bu gün də ‘Made in India’ ilə lağ edirlər. Amma dostlar, bu gün ‘Make in India’ brendinin dəyərini öz gözlərinizlə görə bilərsiniz”, - o deyib.
Baş nazir smartfon istehsalını buna nümunə göstərib.
“Bu gün demək olar ki, hər kəsin əlində smartfon var. Dünyanın ən böyük telefon brendləri artıq Hindistanı öz istehsal bazalarından birinə çeviriblər. Hindistanda istehsal olunan smartfonlar dünyanın hər yerinə çatdırılır”, - Modi bildirib.
#Hindistan #NarendraModi #MakeInIndia #Texnologiya #İqtisadiyyat
1September 7, 2026 187 1
