🇺🇸🇮🇷 Avqust ayında Pentaqon hərbçilərə İrana qarşı davam edən əməliyyatları “Epik qəzəb” əməliyyatı adlandırmağı qadağan edib.
Bu barədə CBS News telekanalı ABŞ Hərbi Hava Qüvvələrinin elektron məktubuna istinadən məlumat yayıb.
ABŞ Müdafiə Nazirliyinin göstərişinə əsasən, “Epik qəzəb” əməliyyatı mayın 5-də rəsmən başa çatıb. Halbuki bu tarixdən sonra da ABŞ və İran qüvvələri qarşılıqlı zərbələr endirməyə davam ediblər.
Hərbçilərə bunun əvəzinə daha ümumi ifadədən - “ABŞ Silahlı Qüvvələrinin Mərkəzi Komandanlığının (CENTCOM) məsuliyyət zonasında xaricdə aparılan əməliyyatlar” ifadəsindən istifadə etmək tapşırılıb.
Bu qərar müəyyən suallar doğurub. Belə ki, mayın 5-dən sonra həlak olan və ya yaralanan bəzi amerikalı hərbçilər əvvəlcə “Epik qəzəb” əməliyyatının itkiləri kimi qeydə alınıb, daha sonra isə onların təsnifatı dəyişdirilib.
Bununla yanaşı, Pentaqonun sənədlərində iyun və iyul aylarında qeydə alınan bəzi itkilər hələ də “Epik qəzəb” əməliyyatı ilə əlaqəli göstərilir. Halbuki nazirlik əməliyyatın mayın 5-də başa çatdığını bildirir.
#ABŞ #İran #Pentaqon #CENTCOM #HərbiƏməliyyatlar
September 3, 2026 181
