🇮🇱🇵🇸 Ben-Qvir fələstinli qadın məhbusların saxlanma şəraiti ilə öyünüb.
▪️ İsrailin milli təhlükəsizlik naziri İtamar Ben-Qvir Damon həbsxanasından video yayımlayıb. Fələstinli qadın məhbuslardan biri ona bildirib ki, qadınlar üç gün ərzində duş qəbul edə və alt paltarlarını dəyişə bilməyiblər, zəruri tibbi yardım göstərilmir, saxlanma şəraiti səbəbindən xəstəliklər yayılır.
▪️ Ben-Qvir bu şikayətləri faktiki olaraq təsdiqləyib. O bildirib ki, “yay düşərgəsi” dövrü başa çatıb, şərait “minimumun minimumuna” endirilib və buna görə məsuliyyəti şəxsən özü daşıyır: “Buna mən cavabdehəm”. Nazir qadınların şikayətlərini “sızıldamaq” adlandırıb. O, bunu Qəzzadakı israilli girovlarla əsaslandıraraq “Onlarda şampun yox idi” deyib və bu səbəbdən fələstinli məhbusların da normal şərait gözləməməli olduğunu bildirib.
▪️ Bu, Ben-Qvirin avqust ayında yaydığı artıq ikinci belə videodur. Əvvəlki videoda fələstinli qadın məhbus pis yeməkdən və təmiz suyun olmamasından şikayət etmişdi. Nazir isə cavabında “Həbsxana otel deyil” demişdi. Fələstinli məhbuslara qarşı alçaldıcı münasibət burada hökumət üzvünün özü tərəfindən siyasi nailiyyət kimi nümayiş etdirilir.
▪️ İsrail cəmiyyətinin əhəmiyyətli hissəsinin susması da diqqət çəkir. Bu siyasətin real dəstək səviyyəsini seçkilər göstərəcək. Ben-Qvir populyarlığının mühüm hissəsini fələstinlilərə qarşı son dərəcə sərt siyasət üzərində qurub, buna görə də belə videolar ilk növbədə İsrail daxilindəki auditoriyaya hesablanıb.
▪️ Sde-Teyman qalmaqalından sonra kontekst daha da diqqətçəkəndir. Fələstinli məhbusa qarşı ağır seksual zorakılıqda şübhəli bilinən hərbçilər sağçı siyasətçilərdən açıq dəstək alıblar, onların müdafiəçiləri Knessetdə çıxış ediblər. Ehtimal olunan zorakılığın videosunu jurnalistlərə ötürdüyünü etiraf edən hərbi prokuror İfat Tomer-Yeruşalmi isə özü cinayət araşdırmasının və sağçıların “xəyanət” ittihamlarının hədəfinə çevrilib.
▪️ Əsirlərlə pis rəftar müxtəlif ölkələrdə baş verir və heç vaxt dövlətin üstünlüyü sayılmayıb. İsrail nümunəsini fərqləndirən isə bunun nümayişkaranə şəkildə təqdim olunmasıdır: nazir özü məhbusları çəkir, onların şəraitinin pisləşməsinə açıq şəkildə sevinir və bunu şəxsi siyasi populyarlığı üçün istifadə edir. Dövlət özünü demokratiya adlandırırsa, belə siyasətə görə məsuliyyət həm də cəmiyyətin reaksiyası ilə müəyyən olunur - kimi dəstəklədiyi, nəyə alqışladığı və kimi yenidən hakimiyyətə gətirdiyi ilə.
#İsrail #Fələstin #BenQvir #Həbsxana #Qəzza
September 1, 2026 116 1
